విశ్వవిజేతలు రావడం ఆలస్యం.. కారణం ఏంటంటే..

అమెరికా- వెస్టీండీస్ అతిథ్యం ఇచ్చిన టీ20 ప్రపంచకప్ లో భారత్ రెండో సారి విశ్వవిజేతగా నిలిచిన సంగతి తెలిసిందే. అయితే మ్యాచ్ పూర్తయిన తరువాత భారత క్రికెటర్లు బార్బడోస్ నుంచి బయల్దేరడం ఆలస్యం అయింది. అట్లాంటిక్ మహా సముద్రంలో ఏర్పడిన బెరిల్ హరికేన్ కారణంగా బార్బడోస్ లో ఉన్న ఎయిర్ పోర్ట్ ను మూసివేశారు. ఆటగాళ్లు అంతా హోటల్ గదులకే పరిమితం అయ్యారు. దీంతో బీసీసీఐ ప్రత్యేక విమానాన్ని మన క్రికెటర్లు, సిబ్బంది కోసం అక్కడికి పంపించింది. కానీ విమానం ఇంకా అక్కడికి చేరుకోలేదు. బెరిల్ హరికేన్ ఇప్పుడు కేటగిరీ 4 తుఫానుగా మారింది. తరువాత ఇది కేటగిరీ 5 కి మారి జమైకా వైపు వెళుతోంది.