భారత్ కు, బంగ్లా ప్రతిపక్ష పార్టీ బెదిరింపులు.. అలా అయితేనే మేము..

BNP సెక్రటరీ జనరల్ మీర్జా ఫక్రుల్ ఇస్లాం ఆలంగీర్ అదే సమయంలో తమ పార్టీ భారతదేశంతో బలమైన సంబంధాలను కోరుకుంటోందని, "గత విభేదాలను అధిగమించి సహకరించడానికి" సిద్ధంగా ఉన్నామని చెప్పారు. బంగ్లాదేశ్ గడ్డపై భారతదేశ భద్రతకు ముప్పు కలిగించే ఎలాంటి కార్యకలాపాలను BNP ఎప్పటికీ అనుమతించదని పార్టీలోని సెకండ్-ఇన్-కమాండ్ ఆలంగీర్ PTI తో అన్నారు.

BNP అధికారంలోకి వస్తే, అవామీ లీగ్ హయాంలో సంతకం చేసిన “ప్రశ్నార్థకమైన” అదానీ విద్యుత్ ఒప్పందాన్ని సమీక్షించి, తిరిగి విచారణ చేస్తుందని ఆయన ఢాకాలో ఒక ఇంటర్వ్యూలో చెప్పారు. “షేక్ హసీనా, ఆమె పాలన చేసిన అన్ని నేరాలు, అవినీతికి బంగ్లాదేశ్ చట్టం ప్రకారం విచారణ ఎదుర్కొని తీరాల్సిందే అని వారు స్పష్టం చేశారు. బంగ్లా ప్రజల మనోభావాలను గౌరవించడానికి బంగ్లాదేశ్ కు హసీనా తిరిగి రావాలి’’ అని ఆయన అన్నారు.

"మేము భారతదేశం-బంగ్లాదేశ్ సంబంధాలలో కొత్త అధ్యాయాన్ని ప్రారంభించాలనుకుంటున్నాము. బంగ్లాదేశ్‌కు హసీనా తిరిగి రావడం ద్వైపాక్షిక సంబంధాలలో ఒక కొత్త శకం అవుతుంది" అని అతను చెప్పాడు.

హసీనా, బంగ్లాదేశ్‌కు తిరిగి రావడాన్ని భారత్ నిర్ధారించకపోతే, రెండు దేశాల మధ్య ద్వైపాక్షిక సంబంధాలు మరింత దిగజారిపోతాయని ఆలంగీర్ అన్నారు. "భారత్‌ను నిరంకుశ హసీనా పాలనకు మద్దతుదారుగా చూడటం వల్ల దానిపై ఇప్పటికే కోపం ఉంది.

"ఇప్పుడు, హసీనాను బంగ్లాదేశ్‌కు అప్పగించడాన్ని భారతదేశం నిర్ధారించకపోతే, రెండు దేశాల మధ్య సంబంధాలు మరింత క్షీణిస్తాయి" అని ఆయన అన్నారు. ఆగష్టు 5న ప్రభుత్వ వ్యతిరేక నిరసనల హోరు తరువాత, హసీనా ప్రధానమంత్రి పదవికి రాజీనామా చేసి భారతదేశానికి పారిపోయారు.

బంగ్లాదేశ్‌లో కొనసాగుతున్న “ఇండియా ఔట్” ప్రచారం గురించి, ఆలంగీర్ మాట్లాడుతూ, భారతదేశానికి ప్రజలతో సంబంధాలు కలిగి ఉండటానికి ఇబ్బంది లేదు, కానీ అవామీ లీగ్ తో సంబంధాలు నెరపడంపై ప్రజలు తీవ్ర ఆగ్రహంతో ఉన్నారని అన్నారు.

బంగ్లాదేశ్ ప్రజల నాడిని భారత్ అర్థం చేసుకోవాలని ఆయన అన్నారు. బీఎన్‌పీ అధికారంలోకి వచ్చినప్పుడు, భారత్‌తో సంబంధాన్ని బలోపేతం చేసేందుకు ప్రయత్నిస్తుందని, గతంలో ఉన్న అపార్థాలు, విభేదాలను పరిష్కరించుకోవాలని ఆలంగీర్ అన్నారు.

"భారత వ్యతిరేక శక్తులను లేదా భద్రతాపరమైన బెదిరింపులను దేశంలో నిలదొక్కుకోవడానికి BNP ఎప్పటికీ అనుమతించదని మేము భారతదేశానికి హామీ ఇస్తున్నాము." బంగ్లాదేశ్‌లోని మైనారిటీల భద్రత "అంతర్గత విషయం" అని ఆలంగీర్ నొక్కిచెప్పారు.

దేశంలో హిందూవులపై జరుగుతున్న దాడులు రాజకీయంగా ప్రేరేపితమైనవని . బంగ్లాదేశ్‌ ప్రయోజనాలకు అనుగుణంగా అవామీ లీగ్‌ హయాంలో భారత్‌తో చేసుకున్న ద్వైపాక్షిక ఒప్పందాల విషయంలో మాకు ఎలాంటి సమస్యలు లేవు.

"కానీ బంగ్లాదేశ్‌కు ప్రయోజనం లేని కొన్ని సందేహాస్పదమైన ద్వైపాక్షిక ఒప్పందాలు ఉన్నాయి. వాటిని పునఃపరిశీలించి సమీక్షించాల్సిన అవసరం ఉంది." అన్నారు.

భారత్ తో చేసుకున్న ఒప్పందాల్లో అదానీ గ్రూపుతో చేసుకున్న ఒప్పందం ముందుగా పరిశీలిస్తామని చెప్పారు. బంగ్లాదేశ్‌లో ఏడాదిలోగా తాజా ఎన్నికలు జరుగుతాయని ఆలంగీర్ ఆశాభావం వ్యక్తం చేశారు.

"ఎన్నికల సంఘం, న్యాయవ్యవస్థ, బ్యూరోక్రసీ, పోలీసులో తాత్కాలిక ప్రభుత్వం చేపట్టిన సంస్కరణలు ఒక సంవత్సరంలో పూర్తవుతాయని, ఆపై తాజా ఎన్నికలు నిర్వహించవచ్చని మేము ఆశిస్తున్నాము" అని ఆయన అన్నారు.