ఐపీఎల్: ‘చూస్తూనే’ కొత్త రికార్డులు సృష్టిస్తున్నారు
సమ్మర్ సీజన్ లో దేశాన్ని ఊపేస్తున్న ఐపీఎల్.. తాజాగా కొత్త రికార్డులు క్రియేట్ చేసింది. అయితే ఈ సారి ఆటగాళ్లు కాకుండా అభిమానులు ఈ రికార్డు సృష్టించారు.
By : S Subrahmanyam
Update: 2024-04-04 17:30 GMT
ఇండియన్ ప్రీమియర్ లీగ్ అందేనండీ ఐపీఎల్ ప్రేక్షకులను ఊపేస్తుంది. మొదటి 10 మ్యాచ్ లకే ఏకంగా 35 కోట్ల మంది అభిమానులు వీక్షించారు. ఇది ఇంతకుముందు జరిగిన అన్ని ఎడిషన్ల ఐపీఎల్ కంటే ఎక్కువ కావడంతో అధికార బ్రాడ్ కాస్టింగ్ సంస్థలు పండగ చేసుకుంటున్నాయి. నిజానికి కోవిడ్ -19 సమయంలో దేశంలో ఎక్కువ సంఖ్యలో అభిమానులు ఐపీఎల్ ను వీక్షించారు. అయితే తాజాగా జరుగుతున్న లీగ్ మ్యచ్ లకు మాత్రం రెస్పాన్స్ మామూలుగా లేదని అధికార ప్రసారహక్కుదారులు తెలియజేస్తున్నారు.
డిస్నీ స్టార్ విడుదల చేసిన BARC డేటా ప్రకారం, టోర్నమెంట్ మొత్తం వీక్షణ సమయం 8028 కోట్ల నిమిషాలకు పెరిగింది, ఇది గత సంవత్సరం కంటే 20 శాతం ఎక్కువ.
"టాటా IPL 2024 కోసం రికార్డు స్థాయి వీక్షణ గణాంకాలు చూసి ఆనందంతో ఉన్నాం. డిస్నీ స్టార్ 17వ సీజన్‌ను గత సంవత్సరం ఎక్కడ నుంచి ముగించిందో అక్కడ నుంచే ఈ సందడి ప్రారంభించింది " డిస్నీ స్టార్ (స్పోర్ట్స్) హెడ్ సంజోగ్ గుప్తా ఒక పత్రికా ప్రకటనలో తెలిపారు.
డిస్నీ స్టార్ IPLని 10 భాషల్లో 14 ఫీడ్‌లలో ప్రసారం చేస్తోంది, ఇది చెవిటి, వినికిడి, దృష్టి లోపం ఉన్న అభిమానుల కోసం భారతీయ సంకేత భాషలో ప్రత్యేక ఫీడ్‌ని అందిస్తోంది. మార్చి 22న చెన్నై సూపర్ కింగ్స్, రాయల్ ఛాలెంజర్స్ బెంగళూరు మధ్య జరిగిన సీజన్‌లోని మొదటి గేమ్‌ను 16.8 కోట్ల మంది చూశారు.
డిస్నీ స్టార్ అధికారి మాట్లాడుతూ, ప్రారంభ రోజు కూడా 1276 కోట్ల నిమిషాల వీక్షణ-సమయాన్ని నమోదు చేసింది -- ఏ సీజన్‌లోనైనా మొదటి రోజు ఇదే అత్యధికం. లీగ్ ముగిసేనాటికి ఈ రేటింగ్ మరింత పెరిగే అవకాశం ఉందని అంచనాలున్నాయి.