పదిశాతం ఉద్యోగులను తొలగించనున్న బోయింగ్

" ఇంతక్రితం ప్రకటించినట్లుగా, మేము మా ఆర్థిక వాస్తవికతపై దృష్టి సారించి, కంపెనీ ప్రాధాన్యతకు అనుగుణంగా మా గ్లోబల్ వర్క్ ఫోర్స్ స్థాయిలను సర్దుబాటు చేస్తున్నాము’’ అని వార్తా సంస్థ రాయిటర్స్ బోయింగ్‌ను ఒక ప్రకటనలో ఉటంకిస్తూ పేర్కొంది. " ఈ సవాలు సమయంలో మా ఉద్యోగులకు మద్దతు ఉందని నిర్ధారించడానికి కూడా మేము కట్టుబడి ఉన్నాము" అని ఆ ప్రకటన పేర్కొంది.

బోయింగ్‌ను వేధిస్తున్న సమస్యలు..

USలో 33,000 కంటే ఎక్కువ వెస్ట్ కోస్ట్ కార్మికులు సమ్మెలో పాల్గొన్నారు. అయితే ఈ సమ్మెతో దాని కమర్షియల్ జెట్ ల ఉత్పత్తి ఆగిపోయి నష్టాలు తలెత్తాయి. బోయింగ్ లో అత్యధికంగా అమ్ముడైన 737 మ్యాక్స్ ఉత్పత్తిని పున: ప్రారంభిస్తున్న సమయంలో ఉద్యోగుల తొలగింపు జరిగింది.

737 MAX ఈ సంవత్సరం అక్టోబర్‌లో $24 బిలియన్ల కంటే ఎక్కువ వసూలు చేసింది. అయితే కొంతకాలంగా బోయింగ్ విమానాలు వరుసగా క్రాష్ అవుతున్నాయి. జనవరిలో, గాలిలో 737 MAX జెట్ నుండి డోర్ ప్యానెల్ ఊడిపోయింది. తమ భద్రతా ప్రమాణాలు రాజీ పడటంతో ఈ నష్టాలు సంభవిస్తున్నాయని కంపెనీ భావించింది. ఈ పరిణామంలో కంపెనీ సీఈఓ రాజీనామా చేశారు. అన్ని సమస్యలు పరిష్కారం అయ్యాయని అనుకున్న తరుణంలో సెప్టెంబర్ లో కంపెనీ లో సమ్మె ప్రారంభమైంది.