Jharkhand | మంత్రులకు పదవులు కేటాయించిన సీఎం హేమంత్ సోరెన్

జార్ఖండ్ ముఖ్యమంత్రి హేమంత్ సోరెన్ శుక్రవారం కొత్త మంత్రులకు పదవులు కేటాయించారు. హోం, ఇతర కీలక శాఖలను మాత్రం తన వద్ద ఉంచుకున్నారు. కాంగ్రెస్ ఎమ్మెల్యే రాధాకృష్ణ కిషోర్‌కు ఆర్థిక, వాణిజ్య పన్నులు, ప్రణాళిక, అభివృద్ధి శాఖ, పార్లమెంటరీ వ్యవహారాల శాఖలు దక్కాయి. జార్ఖండ్ ముక్తి మోర్చా (జెఎంఎం) శాసనసభ్యుడు దీపక్ బీరువాకు రెవెన్యూ, రిజిస్ట్రేషన్, భూ సంస్కరణలు (నమోదు కానివి), రవాణా శాఖ కేటాయించారు. మరో జేఎంఎం నేత చమ్ర లిండాకు షెడ్యూల్ తెగలు, షెడ్యూల్డ్ కులాలు, వెనుకబడిన తరగతుల శాఖల (మైనారిటీ సంక్షేమం మినహా)ను అప్పగించారు. ఆర్జేడీకి చెందిన సంజయ్ ప్రసాద్ యాదవ్‌కు పరిశ్రమలు, కార్మిక శాఖ, ప్రణాళిక, శిక్షణ, నైపుణ్యాభివృద్ధి శాఖ, కాంగ్రెస్‌కు చెందిన ఇర్ఫాన్ అన్సారీకి ఆరోగ్యం, వైద్య విద్య, కుటుంబ సంక్షేమంతోపాటు ఆహారం, ప్రజాపంపిణీ, వినియోగదారుల వ్యవహారాలు, విపత్తు నిర్వహణ శాఖ లభించాయి. కేబినెట్ సెక్రటేరియట్, సిబ్బంది, పరిపాలనా సంస్కరణలు, అధికార భాష, రోడ్ల నిర్మాణం, భవన నిర్మాణ శాఖలను ఇంకా ఎవరికీ కేటాయించలేదు. JMM రాందాస్ సోరెన్‌కు పాఠశాల విద్య, అక్షరాస్యత, రిజిస్ట్రేషన్ శాఖ కేటాయించారు. హఫీజుల్ హసన్‌కు జలవనరులు, మైనారిటీ సంక్షేమ శాఖలను కేటాయించారు. కాంగ్రెస్ ఎమ్మెల్యే దీపికా పాండే సింగ్‌కు పంచాయతీరాజ్, గ్రామీణ పనులు, గ్రామీణాభివృద్ధి శాఖలను అప్పగించారు. జేఎంఎంకు చెందిన యోగేంద్రప్రసాద్‌కు తాగునీరు, పారిశుద్ధ్యం, ఎక్సైజ్‌, ప్రొహిబిషన్‌ విభాగాలను అప్పగించారు. JMM శాసనసభ్యుడు సుధివ్య కుమార్ పట్టణాభివృద్ధి , గృహనిర్మాణం, ఉన్నత, సాంకేతిక విద్య, పర్యాటకం, కళా సంస్కృతి, క్రీడలు, యువజన వ్యవహారాల శాఖలకు మంత్రి అయ్యారు. కాంగ్రెస్‌కు చెందిన శిల్పి నేహా టిర్కీకి వ్యవసాయం, పశుసంవర్ధక, సహకార శాఖలను కేటాయించారు.

జార్ఖండ్‌లోని హేమంత్ సోరెన్ ప్రభుత్వంలో మొత్తం 11 మంది ఎమ్మెల్యేలు – జేఎంఎంకు చెందిన ఆరుగురు, కాంగ్రెస్‌కు చెందిన నలుగురు, ఆర్జేడీకి చెందిన ఒకరు మంత్రులుగా ప్రమాణ స్వీకారం చేశారు. జేఎంఎం కార్యనిర్వాహక అధ్యక్షుడు సోరెన్ స్వయంగా నవంబర్ 28న సీఎంగా ప్రమాణ స్వీకారం చేశారు. JMM నేతృత్వంలోని సంకీర్ణం గత నెలలో జరిగిన ఎన్నికలలో మొత్తం 81 స్థానాలకు 56 స్థానాలను గెలుచుకుంది.