సీఎం పర్యటనకు ప్రతికూల వాతావరణం..

రాయలసీమలో ప్రధానంగా చిత్తూరు జిల్లాలో శనివారం ఉదయం నుంచి ఆకాశం మెగావృతమై ఉంది. మబ్బులు కమ్మేయడంతో వాహనాల రాకపోకలకు కూడా జాతీయ రహదారులపై ఇబ్బంది వాతావరణం ఏర్పడింది. ఇదే సమయంలో ఆకాశంలో కూడా మంచు తెరలు దట్టంగా వ్యాపించి ఉన్నట్లు వాతావరణ శాఖ వెల్లడించింది. శనివారం మధ్యాహ్నం 11:30 గంటల నుంచి ఉమ్మడి చిత్తూరు జిల్లాలోని అనేక ప్రాంతాల్లో తేలికపాటి జల్లులు కూడా కురిశాయి. ప్రతికూల వాతావరణ పరిస్థితుల్లో ముఖ్యమంత్రి నారా చంద్రబాబు పర్యటన రద్దయ్యే అవకాశాలు ఉన్నట్లు భావించారు. వాతావరణ శాఖ నుంచి పూర్తి క్లియరెన్స్ తీసుకున్న తరువాత ఇబ్బందులు లేవని నిర్ధారించుకున్న తరువాత ఆయన పర్యటనకు గ్రీన్ సిగ్నల్ లభించినట్లు అధికారవర్గాల ద్వారా తెలిసింది.