శ్రీవారి ద్వారా పేదలకు దాతల సహకారం..

తిరుమల శ్రీవారిని దర్శించుకున్న వారిలో ఇద్దరు దాతలు మంగళవారం 1.10 కోట్ల రూపాయలు శ్రీ వెంకటేశ్వర ప్రాణదాన ట్రస్ట్ కు విరాళంగా అందించారు. మరో యాత్రికుడు శ్రీవెంకటేశ్వర అన్న ప్రసాదం ట్రస్ట్ కు 10 లక్షల రూపాయల విరాళం అందించారు. వారికి శ్రీవారి దర్శనం తర్వాత ఆలయంలో తీర్థప్రసాదాలు అందించారు.

తిరుమలలో నిత్యాన్నదాన సత్రం నిర్వహణకు దాతలు విరాళాలు అందించడం ద్వారా యాత్రికులకు సేవ చేస్తున్నారు. రోజుకు రెండువేల మంది యాత్రికులకు అన్నదానం చేసే లక్ష్యంగా ప్రారంభించిన ఈ కేంద్రంలో ప్రస్తుతం రోజుకు కనీసం గా 60 వేల నుంచి 70 వేల మంది యాత్రికులు అన్నప్రసాదాలు స్వీకరిస్తున్నారు. ఈ అన్న ప్రసాదం నిర్వహణకు నెలకు సుమారు 105 కోట్ల రూపాయలు ఖర్చవుతుంది.

తిరుమల శ్రీవారిని దర్శించుకున్న అనంతరం గుంటూరు కు చెందిన యన్ సుధారాణి కుటుంబీకులు శ్రీ వెంకటేశ్వర అన్నప్రసాదం ట్రస్టుకు 10,01,116 రూపాయిలు విరాళంగా అందించారు. తిరుమలలోని టీటీడీ అదనపు ఈవో సిహెచ్ వెంకయ్య చౌదరిని కలిసిన సుధారాణి కుటుంబీకులు విరాళం డిడిని అందించారు.