కలకడ ముస్లిం కోటలో.. దేవళంపేట.. ప్రత్యేకత ఏమిటి?

రెండు నదుల సంగమం

పీలేరు నుంచి గంట ప్రయాణం చేస్తే కలకడ మండల కేంద్రానికి చేరవచ్చు. ఇక్కడి నుంచి రాయచోటి మార్గంలో ఆరు కిలోమీటర్లు వెళితే, బాహుదా, సత్యవతి నదుల సంగమాన్ని గమనించవచ్చు. ప్రధాన రోడ్డు పైనుంచి కిలోమీటరు వెళితే దేవళంపేట కనిపిస్తుంది. ఎవరినీ అడగకుండానే ఎదురుగా కనిపించే కామాక్షి సమేత సిద్దేశ్వరాలయం దేవళంపేటలోకి ప్రవేశించడానికి స్వాగతం పలుకుతుంది. ఈ ఆలయానికి కుడిపక్క వీధి మొత్తం దాదాపు 60 నుంచి 70 ముస్లిం కుటుంబాలతో ఉన్న వీధి. వారి వీధిలోనే మసీదు కూడా ఉంటుంది. ఈ వీధికి ఎదురుగానే సుమారు పది తెలుగు కుటుంబాలు కనిపిస్తాయి.

దేవళంపేటగా చారిత్రక గుర్తింపు ఉన్న కామాక్షి సమేత సిద్ధేశ్వరాలయంలో ఛత్రపతి శివాజీ సేదదీరినట్టు కథనం ఉంది. ఇక్కడ గుడి గంటలు మోగినా, వేదమంత్రాలతో పూజలు జరుగుతుంటాయి. ఆ సమయంలో ఆలయానికి వెనుక ఉన్న ముస్లిం పేటలో ఎలాంటి కార్యక్రమాలు ఉన్నా, ఆపేసి సహకారం అందిస్తారు. మసీదులో అల్లా.. హు అక్బర్ అని మసీదు నుంచి అజా వినిపించగానే గుడిలో కార్యకలాపాలు ఆపేస్తారు.

రథం కాలితే...

దేవళంపేట ఆలయ అధ్యక్షుడు, పెద్దలను కలిసిన ముస్లింలు వివరణ ఇచ్చారు. దాదాపు ఐదు లక్షలు చందాలు వసూలు చేసి, రథం తయారీకి సహకారం అందించారు. అనే విషయం ఆ ప్రాంతానికి చెందిన కొందరి మాట.

రేపు ఝరికోన జాతర

కలకడకు సమీపంలోని ఝరికోనకు ప్రత్యేకత ఉంది. బాహుదా, సత్యవతీ నదుల సంగమంతో ఝరికోనలో ప్రవాహం సాగుతుంది. దేవళంపేట వద్ద భూ గర్భంలో అదృశ్యమయ్యే నదీ ప్రవాహం ఆరు కిలోమీటర్ల దూరంలో కోనలో ఊటతో ప్రారంభమయ్యే నీరు ప్రవాహంగా మారుతుంది. దీనికి కింది భాగంలోనే రాయచోటి నియోజకవర్గంలో సంబేపల్లెలో పాటు ఐదు వేల ఎకరాలకు సాగు నీరు అందించే లక్ష్యంతో సుండుపల్లె మండలంలో ఝరికోన ప్రాజెక్టు నిర్మించారు.

కలకడకు సమీపంలో ప్రారంభమయ్య ఝరికోన వద్ద సోమవారం ఉదయం నుంచి సాయంత్రం వరకు జరిగే జాతర కర్నూలు జిల్లాలోని ఆలూరు వద్ద జరిగే దేవరట్టు బన్నీఉత్సవాన్ని తలపిస్తుంది.