తిరుమల శ్రీవేంకటేశ్వరస్వామివారి ఆలయం (ఫైల్)
జనవరిలో తిరుమల యాత్రకు రావాలనుకుంటున్నారా?
టీటీడీ ఆర్జీత సేవా టికెట్లు ఆదివారం విడుదల చేస్తోంది..
నూతన ఆంగ్ల సంవత్సరంలో తిరుమల శ్రీవారి దర్శనానికి రావాలనే యాత్రికులకు టీటీడీ అవకాశం కల్పిస్తోంది.2026 జనవరి నెల కోటా ఆదివారం (ఈ నెల 19వ తేదీ) ఆన్ లైన్ లో విడుదల చేయనున్నట్లు టీటీడీ ప్రకటించింది. ఆర్జితసేవా టికెట్లతో పాటు వసతి సదుపాయం ఆన్ లైన్ ద్వారా అందుబాటులో ఉంచుతోంది.
అక్టోబర్ 19 తేదీ: 2026 జనవరి నెల వివిధ దర్శనాల, గదుల కోటా విడుదల చేయనుంది. అందులో తిరుమల శ్రీవారి ఆర్జిత సేవా టికెట్లు, అంగ ప్రదక్షిణ టోకెన్ల జనవరి నెల కోటా ఉదయం 10 గంటలకు టీటీడీ ఆన్‌లైన్‌లో విడుదల చేయనుంది. ఈ సేవా టికెట్లు ఎలక్ట్రానిక్ డిప్ కోసం అక్టోబర్ 21వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు.
అక్టోబర్ 21వ తేదీ: ఈ టికెట్లు తీసుకునే యాత్రికులు అక్టోబర్ 21 నుంచి 23వ తేదీ మధ్యాహ్నం 12 గంటల లోపు సొమ్ము చెల్లించాలి. వారికి మత్రమే టికెట్లు మంజూరవుతాయి.
23న ఆర్జిత సేవా టికెట్ల విడుదల
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ టికెట్లను 23న ఉదయం 10 గంటలకు టీటీడీ ఆన్ లైన్ లో విడుదల చేయనుంది.
వర్చువల్ సేవల కోటా విడుదల
వర్చువల్ సేవలు, వాటి దర్శన స్లాట్లకు సంబంధించిన కోటాను 23న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది.
24న శ్రీవాణి దర్శన కోటా విడుదల
శ్రీవాణి ట్రస్టు దర్శన టికెట్ల కోటాను 24న ఉదయం 11 గంటలకు విడుదల చేయనున్నారు.
వృద్ధులు, దివ్యాంగుల దర్శన కోటా
వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీ‌వారిని ద‌ర్శించుకునేందుకు వీలుగా ఉచిత ప్రత్యేక ద‌ర్శ‌నం టోకెన్ల కోటాను 24న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది.
25న ప్రత్యేక ప్రవేశ దర్శన టికెట్ల కోటా విడుదల
ప్రత్యేక ప్రవేశ దర్శన టికెట్ల కోటాను 25న ఉదయం 10 గంటలకు టీటీడీ ఆన్‌లైన్‌లో విడుదల చేయనుంది.
గదుల కోటా:తిరుమల, తిరుపతిలో గదుల కోటాను 25వ తేదీ మధ్యాహ్నం 3 గంటలకు ఆన్‌లైన్‌లో విడుదల చేస్తారు.
Next Story