Tirumala | ఇంటిగ్రేటెడ్ కమాండ్ కంట్రోల్ సెంటర్ ఎలా పనిచేస్తోంది?

తిరుమల శ్రీవారి దర్శనానికి వచ్చే యాత్రికుల సంఖ్యను కూడా ఈ కేంద్రం నుంచి అంచనా వేయడానికి ఉద్దేశించిన కమాండ్ కంట్రోల్ కేంద్రాన్ని ఈ ఏడాది సెప్టెంబర్ 25వ తేదీ బ్రహ్మోత్సవాల వేళ ముఖ్యమంత్రి ఎన్ చంద్రబాబు ఈ కేంద్రాన్ని ప్రారంభించారు. అలిపిరి నుంచి తిరుమల వరకు రద్దీని అంచనా వేయడం తోపాటు ప్రత్యామ్నాయ చర్యలు తీసుకునే విధంగా ఏర్పాట్లు చేశారు. యాత్రికుల రద్దీ, వారి ఇబ్బంది, వసతి, అన్నదానంలో సీసీ కెమెరాల ద్వారా గుర్తించడం, సరిదిద్దడం ప్రధాన లక్ష్యం. ఈ కేంద్రం కీలకంగా మారింది.

"దర్శన క్యూల నిర్వహణ మరింత పటిష్టం చేయాలి. దీనికోసం వైకుంఠం క్యూ కాంప్లెక్స్, నారాయణగిరి షెడ్లు, లోపల, బయట క్యూలోని సీసీ కెమెరాలు ఇంటిగ్రేటెడ్ కమాండ్ కంట్రోల్ సెంటర్ తో అనుసంధానం చేయండి" అని అదనపు ఈఓ వెంకయ్య చౌదరి ఆదేశించారు.

"విజిలెన్స్, వైకుంఠం, ఆలయ సిబ్బంది క్యూలో భక్తుల రద్దీపై విశ్లేషించాలి. అందుకు అనుగుణంగా నిర్ణయాలు తీసుకోవాలి. ఐటీ విభాగానికి కావాల్సిన అన్ని సదుపాయాలు కల్పించండి" అని అధికారులను అదనపు ఈఓ వెంకయ్య చౌదరి ఆదేశించారు.

తిరుమల వైకుంఠం క్యూ కాంప్లెక్స్ లో ఏర్పాటు చేసిన ఇంటిగ్రేటెడ్ కమాండ్ కంట్రోల్ కేంద్రంలో యూఎస్ఏ (USA)లోని కార్య ఫౌండేషన్ ఏర్పాటు చేసింది. ప్రస్తుతం ఉన్న సాప్ట్ వేర్ (Software )ను రివ్యూ చేయాలని అదనపు ఈఓ వెంకయ్య చౌదరి సూచించారు. ప్రస్తుతం ఉన్న అవసరాల మేరకు మరింత అభివృద్ధి చేసేందుకు చర్యలు తీసుకోవాలని ఆయన కోరారు. దీనికోసం ఆ సంస్థకు కావాల్సిన పూర్తి సమాచారం ఎప్పటికప్పుడు వైకుంఠం, విజిలెన్స్ సిబ్బంది అందించాలని ఆదేశించారు.