దృశ్య కావ్యంగా మారిన తిరుమల

తిరుమల శ్రీవారి యాత్రికులను అలరించే విధంగా టీటీడీ గార్డెన్ విభాగం ఈ కళాకృతులను శోభాయమానంగా అలంకరించింది. తిరుమలలో రాంబగీచా గెస్ట్ హౌస్ (RB GH)లో టీటీడీ చైర్మన్ బి ఆర్ నాయుడు బుధవారం మీడియా సెంటర్ ప్రారంభించారు.

తిరుమలలో కల్యాణ వేదిక సమీప ప్రాంతంలో ప్రదర్శనశాలలను టీటీడీ బోర్డు సభ్యులు పనబాక లక్ష్మి, జానకీదేవి, శాంతారామ్, నరేష్ కుమార్, జంగా కృష్ణమూర్తి, టీటీడీ చీఫ్ పీఆర్వో డాక్టర్ తలారి రవి, గార్డెన్ డిప్యూటీ సూపరింటెండెంట్ శ్రీనివాసులు, ఎస్వీ ఆయుర్వేద కళాశాల ప్రిన్సిపాల్ డాక్టర్ రేణు దీక్షిత్, ఎస్వీ శిల్ప కళాశాల ప్రిన్సిపాల్ వెంకటరెడ్డి తోకలిసి చైర్మన్ బీఆర్. నాయుడు ప్రారంభించారు.

తిరుమల శ్రీ వెంకటేశ్వర స్వామి వారి సాలకట్ల బ్రహ్మోత్సవాలు ఈరోజు అంటే సెప్టెంబర్ 24వ తేదీ నుంచి ప్రారంభమై రెండో తేదీ చక్ర తల్వార్ కు శ్రీవారి పుష్కరణలో చక్రస్నానం చేయించడం ద్వారా బ్రహ్మోత్సవాలు ముగుస్తాయి.

ఎడ్ల బండిలో తీసుకువెళ్లిన ఆహార పదార్థాలను బకాసురుడు ఆరగించే విధానం కళ్ళకు కట్టే విధంగా ఉంది.

అలిపిరి నుంచి తిరుమల శ్రీవారి సన్నిధికి చేరడానికి ఉన్న బాటలో అద్భుత దృశ్య కావ్యాన్ని కూడా ఇక్కడ ఆవిష్కరించారు.

తిరుమల ఆలయంలో శ్రీవారు కొలువైన ప్రదేశాన్ని ఆనంద నిలయంగా పరిగణిస్తారు. ఆలయ గోపురం పై కూడా విమాన వెంకటేశ్వరుడు దర్శనమిస్తారు. ఆ ప్రదేశం నుంచి సన్నిధిలోకి శ్రీ వెంకటేశ్వరుడు ప్రవేశించారనేది చారిత్రక నేపథ్యంతో కూడిన కథనం.

శ్రీవారి వాహనమైన గరుత్మంతుడు ఆనంద నిలయాన్ని తిరుమలకు తీసుకువచ్చే దృశ్యాన్ని ఇక్కడ యధాతధంగా ఏర్పాటు చేశారు. బెంగళూరుకు చెందిన కళాకారిణి గౌరి ఈ సైకత శిల్పాన్ని తీర్చిద్దారు.

దేవతామూర్తుల విగ్రహాలు విభిన్న రకాల కూరగాయలతో తయారుచేసిన కళాకృతులు యాత్రికులను మరింతగా ఆధ్యాత్మిక లోకంలో విహరించేందుకు ఆస్కారం కల్పించాయి.

వివాహ భోజనంబు వింతైన వంటకంబు అనే పాట జానపద సినిమాల్లో మనం విని ఉంటాం.. అంటే విభిన్న రకాల తినుబండారాలు అందులో ప్రధానంగా తీపి కారం తో కూడిన వస్తువులు చూసి ఘటోత్కచుడు ఆలపించే ఆ పద్యాన్ని ఆవిష్కరిస్తూ బొమ్మలతో వివిధ రకాల వంటకాల. ప్రదర్శన భరింత ఆకర్షణయంగా కనిపిస్తోంది.

రవాణా ఆధునిక వస్తువులు లేని రోజుల్లో తిరుమల ప్రయాణం అనేది ఒక విధంగా సాహసంతో కూడుకున్నది. ప్రస్తుతం తిరుమల నుంచి తిరుపతికి వస్తున్న ఘాట్ రోడ్డు మాత్రమే ఉండేది. ఈ మార్గం నుంచే తిరుపతి నుంచి తిరుమలకు కూడా వాహనాల రాకపోకలు సాగించేవి. ఆ రోజుల్లో ఎడ్ల బండ్లను వాహనాలుగా చేసుకొని తిరుమలను సందర్శించేవారు.

రాజుల కాలం నాటి కట్టడాలు ఆధునికరించారు. అనేక వసతి సదుపాయాలను మెరుగుపరిచారు. అయితే నాలుగు ఐదు దశాబ్దాలకు కిందటి వరకు తిరుమల ఎలా ఉండేది అనే విషయాలను వివరించే ఆనాటి ఫోటోలతో ఏర్పాటు చేసిన ప్రదర్శన తిరుమల చరిత్రను కళ్ళ ముందు ఉంచు తోంది. టీటీడీ సమాచార విభాగంలోని ఫోటోగ్రఫీ విభాగం ఈ ప్రదర్శనను తిరుమలలో ఏర్పాటు చేసింది.