దేవలోకంగా మారిన తిరుమల.. వైభవంగా వైకుంఠ ద్వాదశి చక్రస్నానం

తిరుమలలో వైకుంఠ ద్వార దర్శనాలు నిరాంటంగా సాగుతున్నాయి. వైకుంఠంలోకి ప్రవేశించామని యాత్రికుల అనుభూతికి లోనయ్యేూ విధంగా శ్రీవారి ఆలయంపై విష్ణుమూర్తి పవళింపు సవలో ఉన్న ప్రతిమను ఏర్పాటు చేయడం మరింత శోభ తెచ్చింది. ఆలయం వద్ద ఏర్పాటు చేసిన దేవతామూర్తుల ప్రతిమలు దివ్యలోకాన్ని తలపించేలా టీటీడీ ఉద్యానవన శాఖ సిబ్బంది అలాంటి వాతావరణం సృష్టించారు.

తిరుమలలో వైకుంఠ ద్వాదశి నేపథ్యంలో బుధవారం వేకువజామున సూర్యోదయానికి ముందే చక్రస్నానం కార్యక్రమాన్ని నిర్వహించారు. చక్రతాళ్వార్ విగ్రహాలను ఒకఅర తో కూడిన పెట్టలో ఉంచి ఆలయ మాడవీధుల నుంచి ఊరేగింపుగా శ్రీవారి పుష్కరిణి వద్దకు తీసుకుని వచ్చారు టీటీడీ ఈఓ అనిల్ కుమార్ సింఘాల్ పల్లకీ మోశారు. ఊరేగింపులో టీటీడీ పాలక మండలి సభ్యురాలు పనబాక లక్ష్మి, అదనపు ఈఓ సీహెచ్. వెంకయ్య చౌదరి, తిరుపతి జిల్లా ఎస్పీ ఎల్. సుబ్బారాయుడు, టీటీడీ సీవీఎస్ఓ కేవి. మురళీకృష్ణ ఉత్సవంలో పాల్గొన్నారు.

తిరుమలలో ఏటా మూడుసార్లు చక్రతాళ్లార్ కు శ్రీవారి పుష్కరిణిలో చక్రస్నానం క్రతువు నిర్వహిస్తారు. శ్రీవారి వార్షిక బ్రహ్మోత్సవాల ముగింపునకు సూచకంగా చక్రస్నానం ఘట్టం జరుగుతుంది. రథసప్తమి ( సూర్యజయంతి) సందర్బంగా ఒకో రోజు సప్తవాహనాలపై ఉభయ దేవేరులతో మలయప్పస్వామి వీధుల్లో విహరిస్తారు. దీనిని అర్ధబ్రహ్మోత్సవంగా పరిగణిస్తారు. ఆ రోజు కూడా చక్రతాళ్వార్ ఊరేగింపు పుష్కరిణిలో చక్రస్నాన ఘట్టం శాస్త్రోక్తంగా నిర్వహించడం ఆనవాయితీ. మూడోసారి వైకుంఠ ద్వాదశి రోజు వేకువజామున సూర్యోదయానికి ముందే బుధవారం తిరుమల శ్రీవారి పుష్కరిణిలో వరాహస్వామి ఆలయం సమీపంలో నిర్వహించారు.

వైకుంఠ ద్వాదశిని పురస్కరించుకుని శ్రీవారి పుష్కరిణిలో బుధవారం తెల్లవారుజామున " శ్రీసుదర్శన చక్రతాళ్వార్"కు చక్రస్నానం నిర్వహించారు. తెల్లవారుజామూను ఐదు నుంచి ఆరు గంటల మధ్య టీటీడీ వేదపండితులు ఈ కార్యక్రమం నిర్వహించారు.