leopard caused a stir | తిరుపతి: అలిపిరి వద్ద చిరుత అలజడి

తిరుమల అశ్విని ఆసుపత్రిలో పనిచేసే డి. మణికుమార్ అలిపిరి నుంచి జూ పార్క్ మార్గంలో రోడ్డుపై బైక్ లో వెళుతున్నారు. అదే సమయంలో రోడ్డు దాటుతున్న చిరుతపులి మునికుమార్ గమనించారు. తీవ్రంగా కలవరపాటుకు గురైన మునికుమార్ తన బైక్ మరింత వేగంగా నడపడానికి యత్నించారు. అదే సమయంలో ఆయనపై దాడి చేయడానికి యత్నించిన చిరుత కూడా వాహనాల శబ్దాలకు బెదిరిపోయి, అడివిలోకి పారిపోయింది. తనపై దాడికి యత్నించింది. చిరుత కనిపించిన నేపథ్యంలో ఆందోళనకు గురైన మునికుమార్ బైక్ అదుపుతప్పడంతో ఆయన గాయపడ్డారు. సమీపంలోని వారు కేకలు వేయడంతో చిరుతపులి తిరుమల వైపు శేషాచలం అటవీ ప్రాంతంలోకి పారిపోయినట్లు స్థానికుల కథనం. చిరుతపులి దాడిలో గాయపడిన ముని కుమార్ అందించిన సమాచారంతో...

"ఆ సంఘటన ప్రదేశాన్ని పరిశీలించాం" అని ఎఫ్ఆర్ఓ సుదర్శన్ చెప్పారు. సమీపంలోని విద్యా సంస్థల అధికారులను ప్రధానంగా వేదిక్ వర్సిటీ వీసీకి సూచనలు చేసినట్లు ఆయన వివరించారు. "తమ శాఖ సిబ్బందికి వాహనాలు ఇచ్చాం. ప్రజలకు ప్రమాదం జరగకుండా పట్రెలింగ్ చేపట్టాం" అని ఆయన వివరించారు. చిరుత జాడ కనిపిపెట్టడానికి ట్రాప్ కెమెరాలు అమర్చనున్నట్లు ఆయన వివరించారు. చిరుత వల్ల ప్రాణనష్టం జరగకుండా జాగ్రత్తలు తీసుకుంటున్నట్లు ఎఫ్ఆర్ఓ సుదర్శన్ చెప్పారు. ఆ చిరుతను బంధించడానికి అధికారుల అనుమతి కోరనున్నట్లు ఆయన వివరించారు.