కలిసి జీవించాలని వచ్చి.. తమిళ ప్రేమజంట ఆత్మహత్య

"రెండున్నర సంవత్సరాల పిల్లాడితో పాటు ఆమె తల్లి, ప్రియుడు ఆత్మహత్య చేసుకున్నారు" అని తిరుచానూరు సిఐ సునీల్ కుమార్ చెప్పారు. ఈ సంఘటనకు దారి తీసిన వివరాలు లోకి వెళితే..

తమిళనాడు రాష్ట్రం గుడియాత్తం ప్రాంతానికి చెందిన పొన్నాగుట్ట నాయకి కి వివాహమైంది. ఆమెకు రెండున్నర సంవత్సరాల కొడుకు మనీష్ ఉన్నాడు. అదే ప్రాంతానికి చెందిన సత్యరాజ్ తో ప్రేమలో పడింది.

తమిళనాడు రాష్ట్రం గుడియాత్తం నుంచి సత్యరాజ్ వెంట పొన్నగుట్టె నాయగి ఆమె కొడుకు మనీష్ ను తీసుకొని తిరుపతికి చేరుకున్నాడు. తిరుచానూరుకు సమీపంలోని 150 బైపాస్ రోడ్డులో ఉన్న డామినేడు ఇందిరమ్మ నివాసాల సముదాయంలో ఓ ఇల్లును అద్దెకు తీసుకున్నారు. కొన్ని రోజులు కూలీ పనులు చేసుకుంటూ ఆ ఇద్దరూ జీవనం సాగిస్తున్నట్లు కాలనీలోని ప్రజల ద్వారా తెలిసింది. దామినేడు ఇందిరమ్మ కాలనీలో నివాసం ఉంటున్న సత్యరాజ్, పొన్నాగుట్టే నాయగి గత నెల 22వ తేదీ నుంచి ఇంటి నుంచి బయటకు రాలేదని కాలనీవాసులు చెబుతున్నారు.

ఇందిరమ్మ కాలనీలో సత్యరాజ్, నాయగి నివాసం ఉంటున్న ఇంటి నుంచి దుర్వాసన వస్తుండడంతో కాలనీ ప్రజలకు సందేహం వచ్చింది. ఈ విషయాన్ని తిరుచానూరు పోలీసులకు తెలిపారు. ఘటన స్థలాన్ని తిరుచానూరు సిఐ సునీల్ కుమార్ తో పాటు సిబ్బంది కూడా పరిశీలించారు. ఆ ఇంటిలో ముగ్గురు సవాలు ఉన్నట్లు పోలీసులు గుర్తించారు. ఆ ముగ్గురు సత్యరాజ్, పొన్నాగుట్టే నాయగి, ఆమె కొడుకు మనీష్ మృతదేహాలుగా గుర్తించారు.

"ప్రియురాలు నాయగి, ఆమె కొడుకు మనీష్ కు విషయం తాపేచ్చిన తర్వాత సత్తిరాజు కూడా ఆత్మహత్య చేసుకున్నట్లు కనిపిస్తోంది" అని తిరుచానూరు సిఐసా సునీల్ కుమార్ చెప్పారు. ఈ సమాచారం అందుకున్న నాయకి తల్లిదండ్రులతో పాటు, సత్యరాజ్ మామ ఇతర కుటుంబ సభ్యులు కూడా దామినేడు కాలనీ వద్దకు మంగళవారం చేరుకున్నారు. మృతదేహాలను పోస్టుమార్టంకు తరలించి, కేసు దర్యాప్తు చేస్తున్నట్లు సిఐ సునీల్ కుమార్ తెలిపారు.