టిప్పర్ కింద నలిగిన ఆరుగురి ప్రాణాలు..

నెల్లూరు జిల్లాలో జరిగిన ఘోర ప్రమాదం ఆరుగురు మరణించారు. ఓ చిన్నారి కూడా ఉన్నట్లు సమాచారం అందింది. మితిమీరిన వేగంతో రాంగ్ రూట్లో వచ్చిన ఓ టిప్పర్ ఎదురుగా వస్తున్న కారును ఢీ కొట్టింది. దీంతో ఆ చిన్న కారు టిప్పర్ కిందికి దూసుకుపోయింది. దీంతో అందులో ప్రయాణిస్తున్న ఆరుగురు ఘటనా స్థలంలోనే ప్రాణాలు కోల్పోయిన విషాద సంఘటన ఇది. ఆ వివరాలు ఇవి.

నెల్లూరు జిల్లా సంఘం మండలం పెనమన గ్రామం సమీపంలో జాతీయ రహదారిపై బుధవారం ఉదయం ఈ సంఘటన జరిగింది. నెల్లూరు నుంచి ఆరుగురు కారులో కడపవైపు బయలుదేరారు. వారిలో ఓ పసిపాప కూడా ఉన్నట్లు పోలీసు వర్గాల సమాచారం. నెల్లూరు నుంచి ఉదయమే బయలుదేరిన ఆ బృందం జాతీయ రహదారిపై పెనమన గ్రామానికి సమీపంలో ప్రయాణిస్తుండగా ఎదురుగా టిప్పర్ రూపంలో మృత్యువు తారసపడింది.