సత్యసాయి శతజయంతి కానుక.. 'గిరిజన మహిళా ఆరోగ్య రక్షణ'

పుట్టపర్తిలోని పూర్ణచంద్ర ఆడిటోరియంలో నిర్వహించిన ప్రత్యేక కార్యక్రమంలో రాష్ట్రపతి ద్రౌపది ముర్ము తోపాటు ముఖ్యమంత్రి నారా చంద్రబాబు, రాష్ట్ర విద్యా, ఐటీ శాఖ మంత్రి నారా లోకేష్, శ్రీసత్యసాయి సెంట్రల్ టెస్ట్ మేనేజింగ్ ట్రస్టీ ఆర్.జె. రత్నాకర్, గ్లోబల్ సత్యసాయి ట్రస్ట్ అధ్యక్షులు నిమీష్ పాండ్య తదితరులు హాజరయ్యారు.

"సత్యసాయి బాబా శతాబ్ది ఉత్సవాల్లో భాగం కావడం తనకు సంతోషం ఇచ్చింది" అన్నారు. 2023లో పుట్టపర్తిని సందర్శించిన అనుభవాలు పంచుకున్నారు. సత్యం, ధర్మం, శాంతి, ప్రేమ మరియు అహింస అనే ఆయన సార్వత్రిక ఆదర్శాలు మానవాళిని ఎలా నడిపిస్తున్నాయో ఆమె ప్రస్తావించారు. సత్యసాయి బోధించిన చూపిన బాటలో నిస్వార్థ ప్రేమ, సేవ ప్రపంచవ్యాప్తంగా లక్షలాది మందిని కరుణ మరియు ఐక్యత మార్గంలో నడవడానికి ప్రేరేపించాయని ఆమె నొక్కి చెప్పారు.

పుట్టపర్తి సత్యసాయి ట్రస్టు ద్వారా శ్రీసత్యసాయి గిరిజన మహిళా ఆరోగ్య సంరక్షణ ( Tribal Women's Health Care Program) కార్యక్రమాన్ని ముఖ్యమంత్రి నారా చంద్రబాబు శనివారం లాంఛనంగా ప్రారంభించారు. అనంతరం మాట్లాడుతూ, శాంతి సందేశం, మానవతకు సత్యసాయి అంబాసిడర్ అని ముఖ్యమంత్రి నారా చంద్రబాబు వ్యాఖ్యానించారు. సాయి భక్తులు ఆ స్ఫూర్తిని కొనసాగించడంలో మరింత చురుగ్గా సేవలు అందించాలని ఆయన సూచించారు. ఎవరినీ నొప్పించకుండా, సేవ చేయడంలో ఉన్న సంతృప్తిని ఎలా ఆస్వాదించాలనే విషయంపై ఆచరణాత్మక బోధన చేశారంటూ సత్యసాయి బాబాతో ఉన్న అనుబంధాన్ని ముఖ్యమంత్రి చంద్రబాబు పంచుకున్నారు. సత్యం, ధర్మం, శాంతి, ప్రేమ, అహింసా అనే ఐదు సూత్రాల సత్యసాయి సిద్దాంతాలు పాటిస్తే ప్రపంచం ప్రశాంతంగా ఉంటుందన్నారు.

"సత్యసాయి బాబా చెప్పిన సిద్దాంతాలు.. సూత్రాలను పాటిస్తే ప్రపంచం శాంతిగా ఉంటుంది. ఆంధ్రా, తమిళనాడు, తెలంగాణ రాష్ట్రాల్లో తాగునీటి సౌకర్యం కల్పించడానికి అవసరమైతే ప్రశాంతి నిలయాన్ని తాకట్టు పెట్టాలని సత్యసాయి బాబా భావించారు" అని సీఎం చంద్రబాబు

గతాన్ని గుర్తు చేశారు. సత్యసాయి అభిప్రాయాన్ని తెలుసుకున్న భక్తులు పెద్ద ఎత్తున విరాళాలు సేకరించి తాగు నీటి ప్రాజెక్టులకు నిధులు సమకూర్చారని చెబుతూ, ఆ సమయంలో తనతో సత్యసాయి పంచుకున్న భావాలను ముఖ్యమంత్రి చంద్రబాబు అనుబంధాన్ని గుర్తు చేసుకున్నారు.

"ప్రాణాంతక రోగాల బారిన పడిన వారిని సత్యసాయి బాబా ట్రస్టు ఆదుకుంటోంది. మానవ సేవే... మాధవ సేవ అనే సిద్దాంతాన్ని సత్యసాయి బాబా ట్రస్ట్ అమలు చేసి చూపిస్తోంది" అని అన్నారు. ఈ రోజు సత్యసాయి ట్రైబల్ ఉమెన్ హెల్త్ కేర్ ప్రొగ్రాం ప్రారంభించుకోవడం తనకు చాలా సంతోషంగా ఉందన్నారు.

"సత్యసాయి వ్యక్తిగతంగా నీలగిరిని సందర్శించారు. మెరుగైన వ్యవసాయ పద్ధతులను పరిచయం చేశారు. తద్వారా గిరిజన మహిళలకు సాధికారత కల్పించారు" అని నినేష్ పాండే గుర్తు చేశారు. సత్యాసాయి తీసుకున్న చొరవ వల్ల అనేక తరాలను ఉద్ధరించే కరుణను ప్రదర్శించే కార్యక్రమంగా ఉంటుందని చెప్పారు. ఆ గిరిజన సంఘాలు భక్తి, కృతజ్ఞతకు చిహ్నంగా తమ వ్యవసాయ ఉత్పత్తులలో 10% ప్రేమతో భగవాన్ మిషన్‌కు అందిస్తున్నాయని ఆయన వివరించారు. దీంతో పాడేరు (విశాఖపట్నం), ఛత్తీస్‌గఢ్‌లోని శ్రీసత్యసాయి తాగునీటి ప్రాజెక్టుల అమలు చేస్తున్న విధాన్ని ఆయన ప్రస్తావించారు. సత్యసాయిట్రస్టు తీసుకున్న చొరవ వల్ల గిరిజన జీవితాలను మార్చిన సంతృప్తి మాకు సత్యసాయికి మిగిలిందన్నారు. వేలాది మంది గిరిజన గ్రామస్తులకు స్వచ్ఛమైన, సురక్షితమైన తాగునీటిని అందించడం ద్వారా సత్యాసాయిప్రేమకు శాశ్వత చిహ్నంగా మార్చామన్నారు.