Theft case in Parakamani | ఇదేందయ్యా ఇది.. నేను యాడ చూడలేదబ్బా..

"చోరీ జరిగిన వ్యవహారంపై కమాండ్ కంట్రోల్ లో సీసీ కెమెరాల పుటేజీ కూడా లేకుండా చేశారు. మాకు ఉన్న మార్గాల్లో శ్రీవారి భక్తులు వీడియో అందించారు. ఆ ఆధారం బయటపెట్టాం. దీనిని కొందరు టీటీడీ అధికారులు సిబ్బందిని బెదిరిస్తున్నట్లు సమాచారం అందుతోంది. గౌరవంగా ఉద్యోగాలు చేసుకోండి. లేదంటే ఎక్కడికి బదిలీ అవుతారో తెలియదు" అని భానుప్రకాష్ రెడ్డి సున్నితంగా హెచ్చరించారు. వైసీపీకి కోవర్టులుగా కాకుండా, శ్రీవారి సేవకులుగా విధులు నిర్వహించండి అని ఆయన సూచించారు.

"ఈ కేసులో నిందితుడుగా ఉన్న రవికుమార్ తో ఫిర్యాదుదారుడు అయిన టిటిడి ఏవీఎస్ఓ రాజీ కుదుర్చుకోవడం అనేది మొదటి తప్పు" అని బిజెపి లీగల్ సెల్ అడ్వకేట్ అజయ్ కుమార్ నిబంధనలను ప్రస్తావించారు. ఇద్దరు వ్యక్తులు కుటుంబ సభ్యుల మధ్య గొడవ లేదా ఇతరత్రా ఏదన్నా కేసులు ఉంటే రెండు పక్షాలు రాజీ కావడం ద్వారా లోక్ అదాలత్ లో రాజీకి అవకాశం ఉంటుందని విజయకుమార్ గుర్తు చేశారు.

పరకామణిలో శ్రీవారి చోరీ చేసిన నిందితులు రవికుమార్ పై 2013 లో టీటీడీ పాలకమండలి అత్యంత అనురాగం ప్రదర్శించి నిబంధనలకు అడ్డంగా పాత్ర వేసిందని బిజెపి నేత, టిటిడి బోర్డు సభ్యుడు జి. భానుప్రకాష్ రెడ్డి ఆధారాలు బయటపెట్టారు.

"ఆస్తుల స్వాధీనానికి సంబంధించి పత్రిక ప్రకటన జారీ చేసే సమయం లేదు" అని తీర్మానంలో ప్రస్తావించిన విషయాన్ని ఆయన తప్పుబట్టారు.

టీటీడీకి ఆస్తులు స్వాధీనం చేసే వ్యక్తి సచీలుడా, నిందితుడా అనేది ఇక్కడ పాయింట్ కాదు. లేఖ ఇచ్చిన తర్వాత ఆస్తుల పరిశీలన అనేది కూడా పక్కన ఉంచవచ్చు. రవికుమార్ అనే వ్యక్తి 2023 జూన్ 19వ తేదీ లేఖ ఇస్తే, అంతకు ఒకరోజు కిందటే అంటే 18వ తేదీ స్వాధీనం చేసుకున్నట్లు టిటిడి ప్రాపర్టీ సెల్ లేఖ జారీ చేసింది.

వైసీపీ పాలకమండలిలో సభ్యులుగా ఉన్న వారిలో గత ఎన్నికల తర్వాత టిడిపిలో చేరిన వారిలో ఎమ్మెల్యేలు, మంత్రులు కూడా అయ్యారు. వారిలో ముగ్గురు ప్రస్తుతం టీటీడీ చైర్మన్ బిఆర్. నాయుడు సారధ్యంలోని పాలకమండలి లో కూడా సభ్యులుగా ఉన్నారు. పరకామణిలో చోరీకి సంబంధించిన వ్యవహారంలో భాను ప్రకాష్ రెడ్డి మినహా వైసీపీ ప్రభుత్వంలో కూడా పనిచేసిన ముగ్గురు సభ్యులు ఎక్కడ ఎప్పుడు నోరు మెదపడం లేదు. ఈ విషయంపై సంధించిన ప్రశ్నకు భాను ప్రకాష్ రెడ్డి

సమాధానమిది..