దొరకునా ఇటువంటి సేవ..

తిరుమల శ్రీవేంకటేశ్వరస్వామివారి దర్శనానికి రాష్ట్రపతి ద్రౌపదీ కుటుంబ సభ్యులతో కలిసి శుక్రవారం ఉదయం సరిగ్గా పది గంటలకు ఆలయం వద్దకు చేరుకున్నారు. పద్మావతీ అతిథి గృహం నుంచి శ్రీవారి ఆలయానికి వెళ్లే ప్రధానమార్గంలోని రాంబగీచ అతిథి గృహాల సముదాయం వరకు వచ్చారు. అక్కడి నుంచి బ్యాటరీ వాహనంలో ఉత్తర మాడవీధి వరకు బ్యాటరీ వాహనంలో వచ్చారు. ఆమె వెంట టీటీడీ అదనపు ఈఓ సీహెచ్. వెంకయ్య చౌదరి టీటీడీ పాలక మండలి సభ్యుడు జీ. భానుప్రకాష్ రెడ్డి తోపాటు అధికారులు ఉన్నారు.

రెండు రోజుల పర్యటనలో భాగంగా రాష్ట్రపతి ద్రౌపదీ ముర్ము గురవారం మధ్యాహ్నం తిరుపతి రేణిగుంట విమానాశ్రాయానికి చేరుకున్నారు. తిరుచానూరు పద్మావతీ అమ్మవారి దర్శనం తరువాత గురువారం రాత్రి తిరుమలకు చేరుకుని, రాత్రి పద్మావతీ అతిథిగృహంలో బస చేశారు.