రేపు పవన్ కల్యాణ్ రాక.. అందరి దారులు కల్లి తాండా వైపే..

వీరజవాన్ మురళీనాయక్ విగ్రహాన్ని మహారాష్ట్రలో ఏర్పాటు చేయనున్నట్లు ఆ రాష్ట్ర మంత్రి ఉదయ్ సమంత ప్రకటించారు. మురళీనాయక్ తండ్రి శ్రీరాం నాయక్ ముంబైలో పనిచేసే వారు. ఆ విషయం తెలియడంతో మహారాష్ట్ర డిప్యూటీ సీఎం, శివసేన నేత ఏకనాథ్ షిండే ప్రతినిధిగా కల్లి తాండాకు మహారాష్ట్ర మంత్రి ఉదయ్ సమంత శనివారం వచ్చారు. వీరజవాన్ మురళీనాయక్ తల్లిదండ్రులు జ్యోతిభాయి, శ్రీరాం నాయక్ ను ఓదార్చారు.

అనంతపురం జిల్లా కల్యాణదుర్గం ఎమ్మెల్యే అమిలినేని సురేంద్రబాబు మురళీనాయక్ తల్లిదండ్రులకు తన నెల వేతనం రూ. 1.75 లక్షల చెక్కు ఆర్థికసాయం అందించారు. అంతకుముందు మురళీనాయక్ చిత్రపటానికి నివాళులర్పించారు. ఆ సమయంలో అమరవీరుడికి నివాళులర్పిస్తూ, జైహింద్ అంటూ చేసిన నినాదాలు తండాలో ప్రతిధ్వనించాయి.

ఆపరేషన్ సింధూర్ తో శత్రు సంహారం జరగాలి. ఈ యుద్ధంలో భారత్ దే విజయం అంటూ రాష్ట్ర ఆరోగ్య శాఖ మంత్రి సత్యకుమార్ ధర్మవరం శ్రీలక్ష్మీ చెన్నకేశవ స్వామి ఆలయంలో శనివారం పూజలు నిర్వహించారు. బ్రహ్మారథోత్సవంలో ఆయన పాల్గొన్నారు. దేశం ఎదుర్కొంటున్న సవాళ్ల మధ్య, దేశ రక్షణ కోసం త్రివిధ దళాలు పాకిస్తాన్‌తో జరిగిన యుద్ధ పరిస్థితుల్లో ప్రాణాలను పణంగా పెట్టి పోరాడుతున్నారు అని గుర్తు చేశారు. ఈ సంక్షోభ సమయంలో ప్రధానని నరేంద్రమోదీ కి సంఘీభావంగా, త్రివిధ దళాలకు విజయం చేకూరాలని పూజలు చేశామని మంత్రి సత్యకుమార్ చెప్పారు. ఆయన వెంట జనసేన పార్టీ రాష్ట్ర ప్రధాన కార్యదర్శి చిలకం మధుసూదనరెడ్డితో ఉన్నారు. మంత్రి వెంట మున్సిపల్ కమిషనర్ ప్రమోద్ కుమార్, ఆర్డీవో మహేష్, డీఎస్పీ హేమంత్ కుమార్, కమిటీ చైర్మన్ సి.ఎన్.బి జగదీష్, మార్కెట్ యార్డ్ చైర్మన్ అరుశ్రీ, తోపాటు నేతలు కూడా పాల్గొన్నారు.