Nelloore | మళ్లీ చెలరేగిన కత్తి రౌడీలు... పట్టపగలే స్వైరవిహారం..

ఈ సంవత్సరంలో నెల్లూరు నగరంలో హిజ్రాల సంఘం నాయకురాలు హాసిని హత్య తరువాత కిరాయి హత్యలు చేసే ముఠా వ్యవహారం వెలుగు చూసింది. తిరుపతి స్విమ్స్ ఆస్పత్రిలో రౌడీషీటర్ తో అరుణ అనే మహిళ రాసలీల వ్యవహారంతో సుపారీ హత్యలు, గంజాయి సరఫరా డాన్ల వ్యవహారం తెరపైకి వచ్చింది. సీపీఎం నేత హత్య ద్వారా గంజాయి విక్రయాల్లో డాన్ గా మారిన మహిళా కస్తూరి అరాచకాలు బయటపడ్డాయి. ఈ పరిస్థితుల్లో పోలీసులు సామాజిక శిక్షను అమలు చేశాయి. నెల్లూరు నగరం రూరల్ మండల పరిధిలోని దాదాపు 45 మంది రౌడీషీటర్లను స్టేషన్లకు పిలిపించారు. వీఆర్సీ సెంటర్ నుంచి గాంధీబొమ్మ వరకు రౌడీషీటర్లను కాళ్లకు చెప్పులు కూడా లేకుండా, వర్షం కురుస్తున్నా రోడ్డుపై నడిపిస్తూ, నిర్వహించిన ప్రదర్శన చూసి నగర ప్రజలు నోరెళ్లబెట్టారు. మొదటిసారి పోలీసులు విధించిన ఈ తరహా శిక్ష వల్ల రౌడీలు తోకముడుస్తారని అందరూ భావించారు.

నెల్లూరు నగరంలో పోలీసులు అమలు చేసిన సామాజిక శిక్ష ప్రభావం రౌడీషీటర్లే కాదు. దాడులు చేయాలనే వారిని కూడా ఏమాత్రం భయపెట్టలేదనేందుకు ఆదివారం జరిగిన సంఘటన నిదర్శనంగా కనిపిస్తోంది.