తిరుమలలో వెన్నెల పంచిన మలయప్ప

వర్షప్రభావంతో చల్లటి వాతావరణం. ఆకాశం మేఘావృతమై ఉంది. ఈ వాతావరణంలో తిరుమల క్షేత్రంలో యాత్రికులు పండువెన్నెలను తలపించిన అనుభూతికి లోనయ్యారు. దేదీప్యమైన లైట్ల వెలురు ఉన్నా, చంద్రప్రభ వాహనంపై మలయప్ప విహరించే సమయంలో మంగళవారం రాత్రి ఆహ్లాదకరంగా మారింది. చంద్రప్ర‌భ వాహ‌నంపై నవనీత కృష్ణుడి అలంకారంలో శ్రీమ‌ల‌య‌ప్ప‌ విహరిస్తూ, గ్యాలరీల్లోని యాత్రికులకు దర్శనం ఇచ్చారు.

తిరుమల శ్రీవారి వార్షిక బ్రహ్మోత్సవాలలో ఏడో రోజు మంగ‌ళ‌వారం రాత్రి శ్రీమలయప్పస్వామివారి వాహనసేవ కనువిందుగా సాగింది. ఆలయ మాడవీధుల్లోని గ్యాలరీల్లో కూర్చున్న యాత్రికులు స్వామివారికి కర్పూర హారతులు, డ్రైఫ్రూట్లు, తీపిపదార్థాలు కూడా హారతి పళ్లాల్లో ఉంచి నివేదించారు.

చంద్ర‌ప్రభ వాహనం – సకలతాపహరం