కర్నూలు: అదుపు తప్పి.. బస్సు బోల్తా

హైదరాబాద్ నుంచి 40 మంది ప్రయాణికులతో ప్రైవేట్ ఏసీ స్లీపర్ బస్సు కర్నూలు జిల్లా ఆదోనికి బయలుదేరింది. ఎమ్మిగనూరుకు ఆరు కిలోమీటర్ల దూరంలో ఉన్న సిరాలదొడ్డి ప్రయాణిస్తుండగా, అదుపుతప్ప రోడ్డు పక్కన తోల్తా పడింది. డ్రైవర్ సీట్ వైపు బస్సు పడిపోవడంతో ఎడమవైపు ఉన్న ప్రయాణికులు అందరూ కింద మీద పడ్డారు. ఈ ప్రమాదంలో చాలామంది స్వల్పంగా గాయపడినట్లు సమాచారం అందింది. అదృష్టవశాత్తు ప్రాణ నష్టం జరగలేదని ప్రాథమిక సమాచారం.

ప్రమాద సమాచారం తెలిసిన వెంటనే ఎమ్మిగనూరు పోలీసులు స్పందించారు. స్వల్పగాయాలైన వారికి చికిత్స అనంతరం పంపించి వేసినట్లు ఎమ్మిగనూరు సీఐ ఎస్. చిరంజీవి తెలిపారు. ఈ ఘటనలో ప్రాణనష్టం ఏమి జరగలేదని ఆయన స్పష్టం చేశారు. ఈ ఘటనపై కేసు దర్యాప్తు చేస్తున్నట్లు ఆయన తెలిపారు.