కుప్పం: కృష్ణమ్మకు సారె, హారతి ఇచ్చిన సీఎం

కృష్ణా జలాలకు సీఎం ఎన్ చంద్రబాబు కుప్పంలో శనివారం మధ్యాహ్నం 11.30 గంటలకు జలహారతి సమర్పించారు. సుమారు అర్ధగంట పాటు పరమసముద్రం కాలువ వద్ద పూజలు చేశారు.

కుప్పం నియోజకవర్గం లో రెండు రోజుల పర్యటన నిమిత్తం ఆయన శుక్రవారం సాయంత్రం శాంతిపురం మండలంలోని తన నివాసానికి చేరుకున్నారు. రాత్రి అక్కడే బస చేశారు. శనివారం ఉదయం శాంతిపురం మండలం చిందేపల్లి వద్ద ఉన్న తన నివాసం నుంచి చంద్రబాబు ఆర్టీసీ బస్సులో మహిళలతో కలిసి ప్రయాణం చేశారు. పరమసముద్రం గ్రామం వద్ద కుప్పం బ్రాంచ్ కెనాల్ వద్దకు చంద్రబాబు ఉదయం 11 గంటలకు చేరుకున్నారు. ఆయన వెంట రాష్ట్ర నీటిపారుదల శాఖ మంత్రి నిమ్మల రామానాయుడు, టిడిపి ఎమ్మెల్సీ కంచర్ల శ్రీకాంత్ తోపాటు ఎమ్మెల్యేలు కూడా ఆయన ఉన్నారు. వేద పండితులు మంత్రోచ్ఛారణల మధ్య సీఎం చంద్రబాబు హంద్రీనీవా కాలువ వద్దకు తీసుకుని వెళ్లారు.