CM Chandrababu | 'ఆంధ్రాలో ఇక రౌడీల తోక కత్తిరించడమే!'

తన రాజకీయ ప్రయాణంలో ఎప్పుడూ కూడా శవరాజకీయాలు చేయలేదని సీఎం చంద్రబాబు గుర్తు చేశారు. బాబాయ్ ని చంపి ఆ కత్తి నా చేతిలో పెట్టాలని వైసిపి అధ్యక్షుడు జగన్ ప్రయత్నించాడు. నారాసుర రక్తచరిత్ర అని ప్రచారం చేసుకున్న తీరును సీఎం చంద్రబాబు ప్రజలకు వివరించే ప్రయత్నం చేశారు. వైసిపి ఎన్ని కుట్రలు కుతంత్రాలు చేసిన రాష్ట్ర అభివృద్ధి కోసం పోరాటం సాగిస్తానని ఆయన హెచ్చరించారు. అభివృద్ధి ఓ పాటు సంక్షేమాన్ని కూడా అమలు చేయడం ద్వారా పేద ప్రజలకు ఆ ఫలితాలు అందిస్తానని ఆయన వాగ్దానం చేశారు.

ఎన్నికల సమయంలో ఇచ్చిన హామీలు అమలు చేసినట్లు సీఎం చంద్రబాబు గుర్తు చేశారు. వైసీపీ పాలనకు భిన్నగా తల్లికివందనంలో ఇంట్లో ఎంతమంది పిల్లలు ఉంటే అందరికీ వర్తింపచేశామన్నారు. రైతు భరోసా త్వరలో ఇవ్వనున్నట్లు ఆయన చెప్పారు. కేంద్రం ఇచ్చే రూ. నాలుగు వేలకు రాష్ట్ర ప్రభుత్వం నుంచి రూ. 14 వేలు కలిపి 20 వేలు చెల్లిస్తామన్నారు. పింఛన్ల మొత్తం పెంచడంలో వైసీపీకి ఐదేళ్లు పడితే, అధికారంలోకి రాగానే ఇచ్చిన మాట ప్రకారం వృద్ధులు, వికలాంగులు, ఒంటరి మహిళలకు రెట్టింపు పింఛన్లు ఇస్తున్న విషయాలను గమనించాలని ఆయన ప్రజలకు సూచించారు. అయినా, ఏమాత్రం ఆలోచన లేకుండా టీడీపీ కూటమిపై విమర్శలు చేయడం చూస్తుంటే, వైసీపీ వారికి యజ్ణంలో నీళ్లు పోయడానికే ప్రయత్నిస్తున్నారని ఆగ్రహం వ్యక్తం చేశారు.