తిరుపతి: మీ కాళ్లు మొక్కుతా.. నా భర్తను వదలండి

ఈ కేసులో పోలీసులు అరెస్టు చేసిన నిందితుడు అనిల్ రెడ్డిని విడుదల చేయాలని ఆయన భార్య ఇరగం గీత శుక్రవారం ధర్నాకు దిగింది. పోలీసు అధికారుల కాళ్లు పట్టుకున్న ఫోటో వైరల్ గా మారింది. సానుభూతి కోసమే అని టీడీపీ నేతలు అంటున్నారు.

తిరుపతి నగర డిప్యూటీ మాజీ మేయర్ భూమన అభినయరెడ్డి, ఆయన తండ్రిపై వచ్చిన ఆరోపణలపై వారు స్పందించలేదు. కానీ, పార్టీ నేతలు మాత్రం

"పవన్ ను కొట్టిన దినేష్ జనసేన మద్దతుదారుడు. ఆ పాపం మాకు ఎందుకు అంటగడుతున్నారు" అని వైసీపీ నేతలు కూడా మరో పక్క పోలీసులకు ఫిర్యాదు చేశారు.

"నా కొడుకును చిత్రహింసలకు గురిచేసిన వారిని కఠినంగా శిక్షించండి. బాకీ ఉన్న డబ్బు చెల్లిస్తాం. నా కొడుకు మాదిరే వారికి కూడా చిత్రహింసలు రుచి చూపించండి" అని పవన్ తల్లి అనిత డిమాండ్ చేశారు. తిరుపతి ఈస్టు పోలీసులకు ఫిర్యాదు చేశారు.

ఆ తరువాత డీఎస్పీ బయటికి వెళ్లే సమయంలో ఉన్నఫలంగా అనిల్ రెడ్డి భార్య డీఎస్పీ కాళ్లపై పడి వేడుకోవడం ద్వారా సానుభూతి సంపాదించాలనే యత్నంలో సఫలం అయ్యారు. అంతకుముందు ఆమె మీడియాతో మాట్లాడుతూ,

"ఆరోపణలు రావడంతో పోలీసులు పిలవడంతో నా భర్త స్వచ్ఛందంగా వచ్చి పోలీసులకు లొంగిపోయాడు. లెక్కలేనన్ని సెక్షన్ల కింద కేసు నమోదు చేశారు" అని ఆమె ఆరోపించింది. తన భర్తను విడుదల చేయాలని ఆమె డిమాండ్ చేశారు.

తిరుపతిలోని శ్రీనివాసం వసతిగృహం ఎదురుగా ఉన్న దుకాణం కాంట్రాక్ట్‌ను తనకు రాసివ్వాలంటూ వైసీపీ సోషల్‌ మీడియా ఇన్‌ఛార్జి అనిల్ రెడ్డి దౌర్జన్యానికి దిగారు. పవన్‌ కుమార్ అనే దళిత యువకుడిని కిడ్నాప్ చేసి ఎంఆర్‌పల్లిలోని తన ఇంట్లో బంధించి తీవ్రంగా హింసించారు. ఆ యువకుడిని చితకబాదుతుండగా అనిల్ రెడ్డి స్నేహితులు వీడియో తీశారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది.

దళిత యువకుడు పవన్ కుమార్‌ను వైసీపీ మద్దతుదారుడు దినేష్ అనే వ్యక్తి పోలీస్ ఫైబర్ లాఠీలో చితకబాదుతుంటే, వైసీపీ సోషల్ మీడియా అధ్యక్షుడు అనిల్ రెడ్డి, జగ్గారెడ్డి (జగ్గా) ప్రోత్సాహిస్తూ రాక్షసానందం పొందడం వీడియోలో కనిపించింది. ఆ వీడియోలు వైరల్ కాగానే తిరుపతి నగర పోలీసులు స్పందించారు.

ఈ సంఘటనపై స్పందించిన తిరుపతి పోలీసులు అనిల్ రెడ్డి తోపాటు జగ్గారెడ్డి (జగ్గా)ను అరెస్టు చేశామని అదనపు ఎస్పీ రవిమనోహరాచారి, ఈస్టు డీఎస్పీ భక్తవత్సలం చెప్పారు.

"దళిత యువకుడు పవన్ కుమార్ ను చావబాదిన దినేష్ పరారీలో ఉన్నాడు. అతనిని పట్టుకోవడానికి పోలీసు బృందాలను ఏర్పాటు చేశాం" అని అదనపు ఎస్పీ రవిమనోహరాచారి, ఈస్టు డీఎస్పీ భక్తవత్సలం తెలిపారు. దినేష్ పట్టుబడితే ఈ సంఘటన వెనక ఉన్న కథ, తెర వెనుక ఎవరన్నా ఉన్నారా? అనే విషయాలు వెలుగు చేసేందుకు అవకాశం ఉంటుందని మీడియాకు చెప్పారు.

"దళిత యువకుడు పవన్ ను దినేష్ లాఠీతో కొట్టడం, చిత్రహింసలకు గురి చేసిన సంఘటనపై కిడ్నాప్, హత్యాయత్నం, ఎస్సీఎస్టీ యాక్టు తో పాటు ఇంకొన్ని సెక్షన్ల కింద కేసు నమోదు చేశాం" అని వారు వివరించారు.

దినేష్ మాత్రమే ఇందులో నిందితుడు. అనిల్ రెడ్డి చూస్తూ ఉన్నాడు. అని కూడా ఆ పోలీస్ అధికారులు చెప్పారు. అంటే..

నేరం చేసే వ్యక్తిని ప్రోత్సహించే వారు కూడా నిందితులు అవుతారా? కారా? అనేది తేలాల్సి ఉంది.