వరుసగా తొమ్మిదో బడ్జెట్… దేశ ఆర్థిక దిశపై కీలక ప్రకటనలకు సిద్ధం

వ్యక్తిగత ఉపయోగం కోసం దిగుమతి చేసుకునే పన్ను విధించదగిన అన్ని వస్తువులపై సుంకం రేటును 20% నుండి 10%కి తగ్గించాలని సీతారామన్ ప్రతిపాదించారు.

ఐటీ రంగానికి భారీ బూస్ట్

భారతదేశ కేంద్ర బడ్జెట్ ఐటీ రంగానికి భారీ బూస్ట్ ఇచ్చింది. సాఫ్ట్‌వేర్ డెవెలప్‌మెంట్ సేవలు, ఐటీ సేవలు, నాలెడ్జ్ ప్రాసెస్ ఔట్ సోర్సింగ్, కాంట్రాక్ట్ ఆర్ అండ్ డీ సేవల్లో భారత్ గ్లోబల్ లీడర్‌గా నిలిచిందని నిర్మలా సీతారామన్ పేర్కొన్నారు.

ఈ రంగాలన్నీ కూడా ఇన్ఫర్మేషన్ టెక్నాలజీ కిందకు తీసుకురానున్నట్లు చెప్పారు.

అన్ని రకాల ఐటీ సేవలకు 15.5 సేఫ్ హార్బర్ మార్చిన్‌ను అమలు చేయనున్నట్లు వెల్లడించారు.

సేఫ్ హార్బర్ అవేలబిలిటీని రూ.300 కోట్ల నుంచి రూ.2వేల కోట్లకు పెంచడం జరిగింది.

అదే విధంగా ఐటీ సేవల్లో సేఫ్ హార్బర్‌ అప్రూవల్స్‌ ఇకపై ఆలోమేటెడ్ పద్దతిలో జరుగుతాయి. ఇందుకు నిబంధనల సిస్టం ఉంటుంది. తద్వారా టాక్స్ అధికారుల పరిశాలనను తొలగించడం జరుగుతుందని వెల్లడించారు.

ఐటీఆర్ సవరణకు గడువు పొడిగింపు

యూనియన్ బడ్జెట్ 2026లో పన్ను చెల్లింపుదారులకు కేంద్ర ప్రభుత్వం కీలక ఊరట ప్రకటించింది. ఆదాయపు పన్ను రిటర్న్‌ల సవరణ, ఫైలింగ్ గడువుల విషయంలో మరింత సమయం ఇవ్వాలని ఆర్థిక మంత్రి నిర్మలా సీతారామన్ ప్రతిపాదించారు.

బడ్జెట్ ప్రకారం, రిటర్న్‌లను సవరించుకునే గడువును ప్రస్తుతం ఉన్న డిసెంబర్ 31 నుంచి మార్చి 31 వరకు పొడిగించనున్నట్లు తెలిపారు. అయితే దీనికి స్వల్ప ఫీజు చెల్లించాల్సి ఉంటుందని పేర్కొన్నారు.

అదేవిధంగా పన్ను రిటర్న్‌ల దాఖలు గడువును విడతలుగా నిర్ణయించాలని ప్రభుత్వం ప్రతిపాదించింది. ఐటీఆర్-1, ఐటీఆర్-2 దాఖలు చేసే వ్యక్తులు జూలై 31 వరకు రిటర్న్ ఫైల్ చేయడం కొనసాగిస్తారని తెలిపారు.

ఆడిట్ అవసరం లేని వ్యాపార కేసులు లేదా ట్రస్ట్‌లకు ఆగస్టు 31 వరకు సమయం ఇవ్వాలని బడ్జెట్‌లో సూచించారు.

ఈ మార్పులతో పన్ను రిటర్న్‌ల ప్రక్రియలో తొందర తగ్గి, పన్ను చెల్లింపుదారులకు మరింత సౌలభ్యం కలిగే అవకాశం ఉందని భావిస్తున్నారు.

చిన్న విదేశీ ఆస్తుల వెల్లడిపై కేసుల మినహాయింపు

యూనియన్ బడ్జెట్ 2026లో చిన్న విలువైన విదేశీ ఆస్తుల విషయంలో కేంద్ర ప్రభుత్వం కీలక ఊరట ప్రకటించింది. విదేశాల్లో ఉన్న చిన్న చరాస్తులను వెల్లడించడంలో విఫలమైన వ్యక్తులకు కేసుల నుంచి రక్షణ కల్పించాలని ప్రభుత్వం ప్రతిపాదించింది.

బడ్జెట్ ప్రకారం, స్థిరాస్తులు కాని విదేశీ ఆస్తుల మొత్తం విలువ రూ.20 లక్షల కంటే తక్కువగా ఉంటే, వాటిని ప్రకటించని వారికి ప్రాసిక్యూషన్ నుంచి ఇమ్యూనిటీ ఇవ్వనున్నట్లు సమాచారం.

ఈ మినహాయింపు అక్టోబర్ 1, 2024 నుంచి గత తేదీ నుంచి అమల్లోకి వచ్చేలా వర్తింపజేయనున్నట్లు ప్రభుత్వం తెలిపింది.

ఈ నిర్ణయం వల్ల చిన్న విలువ గల విదేశీ ఆస్తులు కలిగిన వారికి అనుసరణ సులభతరం అవుతుందని భావిస్తున్నారు.

మొదటి అప్పీలేట్ అధికారి ముందు అప్పీల్ ప్రక్రియ జరిగే కాలానికి, ఫలితం ఎలా ఉన్నప్పటికీ, పన్ను చెల్లింపుదారుపై జరిమానా మొత్తంపై వడ్డీ బాధ్యత ఉండదు.

బడ్జెట్ 2026: విదేశీ టూర్ ప్యాకేజీలపై TCS భారీ తగ్గింపు

యూనియన్ బడ్జెట్ 2026లో విదేశాలకు ప్రయాణం చేయాలనుకునే భారతీయులకు కేంద్ర ప్రభుత్వం కీలక ఊరట ప్రకటించింది. ఓవర్సీస్ టూర్ ప్యాకేజీలపై ట్యాక్స్ కలెక్టెడ్ అట్ సోర్స్ (TCS)ను భారీగా తగ్గిస్తున్నట్లు ఆర్థిక మంత్రి నిర్మలా సీతారామన్ వెల్లడించారు.

ఈ నిర్ణయం వల్ల విదేశీ ప్రయాణం పన్ను పరంగా మరింత సులభంగా, తక్కువ ఖర్చుతో ఉండే అవకాశం ఉందని భావిస్తున్నారు.

బడ్జెట్ ప్రతిపాదన ప్రకారం, ప్రస్తుతం ఓవర్సీస్ టూర్ ప్యాకేజీలపై ఉన్న 5 శాతం, 20 శాతం TCS రేట్లను తగ్గించి ఫ్లాట్‌గా 2 శాతానికి తీసుకురానున్నారు. అంతేకాదు, కనీస మొత్తం షరతు లేకుండా ఈ తగ్గింపు వర్తించనున్నట్లు సమాచారం.

దీని ద్వారా అంతర్జాతీయ టూర్ ప్యాకేజీలు బుక్ చేసుకునే సమయంలో ప్రయాణికులు ముందుగా చెల్లించాల్సిన పన్ను భారం గణనీయంగా తగ్గనుంది.

ఈ చర్యతో విదేశీ ప్రయాణం మరింత అందుబాటులోకి వచ్చే అవకాశం ఉందని భావిస్తున్నారు.

విదేశీ వ్యక్తులకు భారత ఈక్విటీ పెట్టుబడుల అనుమతి

యూనియన్ బడ్జెట్ 2026లో ఈజ్ ఆఫ్ డూయింగ్ బిజినెస్‌ను మెరుగుపరచే దిశగా కేంద్ర ప్రభుత్వం కీలక ప్రకటన చేసింది. విదేశాల్లో నివసించే వ్యక్తులు భారతదేశంలోని లిస్టెడ్ కంపెనీల ఈక్విటీ సాధనాల్లో పెట్టుబడి పెట్టేందుకు అనుమతించనున్నట్లు ఆర్థిక మంత్రి నిర్మలా సీతారామన్ తెలిపారు.

పోర్ట్‌ఫోలియో ఇన్వెస్ట్‌మెంట్ స్కీమ్ ద్వారా ఈ పెట్టుబడులకు అవకాశం కల్పించనున్నట్లు ఆమె బడ్జెట్ ప్రసంగంలో పేర్కొన్నారు. దీని ద్వారా భారత మార్కెట్లలో విదేశీ పెట్టుబడులు మరింత విస్తరించే అవకాశం ఉందని భావిస్తున్నారు.

అదేవిధంగా PROI పెట్టుబడి పరిమితిని 5 శాతం నుంచి 10 శాతానికి పెంచాలని కూడా ఆర్థిక మంత్రి ప్రతిపాదించారు.

ఈ చర్యలు పెట్టుబడుల వాతావరణాన్ని మరింత అనుకూలంగా మార్చే దిశగా తీసుకున్న అడుగులుగా భావిస్తున్నారు.

2026 ఆర్థిక సంవత్సరానికి ద్రవ్య లోటుకు సవరించిన అంచనా 4.4%; 2027 ఆర్థిక సంవత్సరానికి బడ్జెట్ అంచనా ద్రవ్య లోటు 4.3%.

బడ్జెట్ 2026: లక్షపతి దీదీ పథకం విస్తరణ

యూనియన్ బడ్జెట్ 2026లో మహిళా సాధికారతకు కేంద్ర ప్రభుత్వం మరో కీలక అడుగు వేసింది. లక్షపతి దీదీ పథకం విజయాన్ని కొనసాగిస్తూ మహిళలను క్రెడిట్ ఆధారిత జీవనోపాధి నుంచి వ్యాపార యజమానులుగా ఎదగేలా చేయనున్నట్లు ఆర్థిక మంత్రి నిర్మలా సీతారామన్ ప్రకటించారు.

ఈ పథకం కింద మహిళలు తదుపరి స్థాయికి చేరేందుకు స్వయం సహాయక సంఘాల ఆధారంగా కమ్యూనిటీ యాజమాన్య రిటైల్ కేంద్రాలను ఏర్పాటు చేయనున్నట్లు ప్రభుత్వం తెలిపింది. వీటిని ‘సెల్ఫ్ హెల్ప్ ఎంట్రప్రెన్యూర్ మార్ట్స్’గా అభివర్ణించారు.

ఈ మార్ట్స్ క్లస్టర్ స్థాయి ఫెడరేషన్ల పరిధిలో కమ్యూనిటీ ఆధారిత రిటైల్ అవుట్‌లెట్లుగా పనిచేస్తాయని సమాచారం. మహిళా উদ্যములకు మరింత బలమైన, వినూత్న ఆర్థిక మద్దతు అందించడం ద్వారా వారు వ్యాపార రంగంలో ముందడుగు వేయగలరని ప్రభుత్వం పేర్కొంది.

ఈ చర్యలతో మహిళలకు ఉపాధి అవకాశాలు విస్తరించడంతో పాటు గ్రామీణ ఆర్థిక వ్యవస్థలో వారి పాత్ర మరింత బలపడే అవకాశం ఉందని భావిస్తున్నారు.

NIMHANS 2.0కు ప్రభుత్వం ప్రణాళికలు

ఉత్తర భారతదేశంలో మెంటల్ హెల్త్ ఇన్‌స్టిట్యూట్‌ను ఏర్పాటు చేయడం కోసం ప్రభుత్వం NIMHANS 2.0ను ఏర్పాటు చేయనుందని నిర్మలా సీతారామన్ వెల్లడించారు.