శాస్త్రం, సంప్రదాయలకు సాంకేతిక వ్యవస్థతోనే రక్షణ..

వారసత్వ సంపద కాపాడుకునేందుకు శాస్ర్తం, సంప్రదాయాల రక్షణకు సాంకేతిక జోడించాలని టీటీడీ ఇంచార్జ్ ఈఓ సిహెచ్. వెంకయ్యచౌదరి సూచించారు. మారుతున్న పరిస్థితులకు అనుగుణంగానే అందుబాటులోని వసరులు సద్వినియోగం చేసుకుంటే చరిత్ర మూలాలు పదిలంగా ఉంటాయని ఆయన అభిప్రాయపడ్డారు.

తిరుపతిలోని శ్రీవేంకటేశ్వర వేద విశ్వవిద్యాలయంలో బుధవారం ఉదయం నిర్వహించిన అర్చక, పరిచారిక, వేద పారాయణదారుల శిక్షణను ప్రారంభించారు. నవ తరానికి సనాతన ధర్మాన్ని అందించడానికి ప్రత్యేకంగా దృష్టిసారించాలని ఆయన సూచించారు.

టీటీడీలోని వివిధ ఆలయాల్లో విధులు నిర్వహిస్తున్న 35 మంది అర్చకులు, పరిచారకులు, 15 మంది వేదపారాయణదారులకు మూడు రోజులపాటు పునఃశ్చరణ శిక్షణా తరగతులు నిర్వహిస్తున్నట్లు తెలిపారు.