తిరుపతి: కోదండరాముడికి శ్రీవారి అపురూప కానుక

టీటీడీ పరిపాలనా భవనం నుంచి ఈ ఆభరణాలు తిరుమల వేదపండితులు ఏనుగు అంబారీపై తిరుపతి నగరంలో ఊరేగింపుగా తీసుకుని బయలుదేరారు. ఏనుగుల ముందు కళాకారులు ప్రదర్శనలు అలరించాయి. కోదండరామాలయం వద్దకు చేరుకోగానే ఆభరణాలు ఆలయ డిప్యూటీ ఈఓ నాగరత్నకు అందించారు.

శ్రీకోదండరామస్వామివారి ఆలయంలో శ‌నివారం రాత్రి శ్రీ సీతారాముల కల్యాణం అంగరంగ వైభవంగా జరిగింది. ఈ ఉత్సవానికి ముందు అర్చకులు పుణ్యాహవచనం, సద్యో అంకురార్పణ, రక్షాబంధనం, విశేషారాధన చేశారు. ఆ తరువాత రక్షాబంధన, అగ్నిప్రతిష్ఠ, మధుపర్కం, కన్యాదానం, మహాసంకల్పం, స్వామి, అమ్మవారికి ప్రవరలు, మాంగళ్యపూజ చేపట్టారు. అనంతరం మాంగళ్యధారణ, ఉక్తహోమాలు, పూర్ణాహుతి, నివేదన, అక్షతారోహణం, ముత్యాల త‌లంబ్రాల స‌మ‌ర్ప‌ణ‌, విశేష నివేద‌న‌, మాల‌మార్పిడి, అక్ష‌తారోహ‌ణ‌, హార‌తి, చ‌తుర్వేద పారాయ‌ణం, య‌జ‌మానికి వేద ఆశీర్వాదం, హారతి ఇచ్చారు. కల్యాణం అనంతరం స్వామి, అమ్మవార్ల ఉత్సవర్లను ఆలయ ప్రాంగ‌ణంలో ఊరేగింపు నిర్వహించారు. ఈ కార్యక్రమంలో పెద్ద సంఖ్యలో భక్తులు హాజరయ్యారు.

తిరుపతి శ్రీకోదంరామాలయం వద్ద సాయంత్రం నుంచి రాత్రి వరకు సీతారాములవారి కల్యాణోత్సవ వేడుకగా శాస్త్రోక్తంగా నిర్వహించారు.

ఆ కార్యక్రమానికి టీటీడీ ఈఓ ముద్దాడి రవిచంద్ర దంపతులు, టీటీడీ అధికారులు అమ్మవారికి సమర్పించడానికి తిరుమల నుంచి తీసుకుని వచ్చిన ఆరణాలతో పాటు పూలదండలు, ముత్యాలు వంటి కానుకలు వేదపండితులకు అందించారు.