తిరుమల: వేడుకగా ముగిసిన శ్రీరామకృష్ణ తీర్థ ముక్కోటి

తిరుమల శేషాచలం అడవుల్లోని శ్రీరామకృష్ణ తీర్థ ముక్కోటి ఉత్సవం ఆదివారం ఉదయం ప్రారంభమైంది. సాయంత్రానికి ఈ కార్యక్రమం ముగిసింది. ఈతీర్థయాత్రలో సుమారు ఐదు వేల మంది యాత్రికులు పాల్గొన్నారని టీటీడీ వెల్లడించింది.

తిరుమల నుంచి ఉద‌యం ఏడు గంట‌ల‌కు శ్రీ‌వారి ఆలయ అర్చకులు మంగళవాయిద్యాలతో ఆలయ మాడ వీధుల నుంచి ఊరేగింపుగా బయలుదేరారు. పూలు, పండ్లు, స్వామివారి ప్రసాదాలు త‌దిత‌ర‌ పూజా సామగ్రిని శ్రీరామకృష్ణ తీర్థానికి తీసుకెళ్లారు. శేషాచలం అడవుల్లోని శ్రీరామచంద్రమూర్తి, శ్రీకృష్ణుని విగ్రహాలకు ప్రత్యేక పూజలు చేసి నైవేద్యాలు సమర్పించారు. అనంతరం భ‌క్తుల‌కు ప్ర‌సాద విత‌ర‌ణ చేశారు.