ఒంటిమిట్టలో రాష్ట్ర పండుగగా శ్రీరామనవమి ధ్వజారోహణతో ప్రారంభం
తిరుమల తరహాలోనే విష్ణుదర్బ టీటీడీ అటవీశాఖ సమర్పించిన కానుక ప్రత్యేకత ఏమిటంటే..
తిరుమల శ్రీవారికి ఇచ్చినట్లే శ్రీకోదండరాముడికి అటవీశాఖ దర్భ, చాప సమర్పించింది. రామయ్య కల్యాణోెత్సవానికి అలంబ్రాలు కూడా శుక్రవారం సిద్ధం చేశారు.
కడప జిల్లా ఒంటిమిట్ట శ్రీకోదండరామస్వామి ఆలయంలో శ్రీరామనవమి బ్రహ్మోత్సవాలు వైభవంగా ప్రారంభమయ్యాయి. ధ్వజారోహణంతో శుక్రవారం రాష్ట్ర పండుగకు టీటీడీ వేదపండితులు నాంది పలికారు. శ్రీరామనవమి వేడుకలను అట్టహాసంగా ప్రారంభించారు.
ఒంటిమిట్ట శ్రీ కోదండరామస్వామి ఆలయంలో శుక్రవారం ఉదయం ధ్వజారోహణంతో శ్రీరామనవమి బ్రహ్మోత్సవాలు వైభవంగా ప్రారంభమయ్యాయి. ఉదయం 9.30 నుంచి 10.15 గంటల మధ్య వృషభ లగ్నంలో పాంచరాత్ర ఆగమశాస్త్రబద్ధంగా గరుడపటాన్ని ప్రతిష్టించి శాస్త్రోక్తంగా ధ్వజారోహణ ఘట్టం నిర్వహించారు. శ్రీరామనవమి వేడుక శుక్రవారం శాస్త్రోక్తంగా నిర్వహించారు. అంతకుముందు సీతారామ, లక్షణుల మూలమూర్తులకు పూజలు నిర్వహించారు. అనంతరం ఉత్సవ విగ్రహాలకు స్నపన తిరుమంజనం నిర్వహించారు.
ఒంటిమిట్టలో శ్రీరామనవమి వేడుకల్లో భాగంగా వార్షిక బ్రహ్మోత్సవాలకు శుక్రవారం ఉదయం 9.30 నుంచి 10.15 గంటల మధ్య వృషభ లగ్నంలో ధ్వజారోహణం నిర్వహించారు. ఈ కార్యక్రమాలను కంకణ భట్టర్ రాజేష్ తోపాటు, వేదపండితులు తిరుమల ఆలయ తరహాలోనే శ్రీ కోదండరామస్వామివారి వార్షిక బ్రహ్మోత్సవాలకు ధ్వజారోహణ చేశారు.
ముక్కోటి దేవతలను బ్రహ్మోత్సవాలకు ఆహ్వానం పలుకుతూ ఆంజనేయుడి చిత్రం వేసిన ధ్వజపటాన్ని ధ్వజస్తంభంపై ఎగుర వేశారు. ఈ కార్యక్రమాలను ఆలయ డిప్యూటీ ఈఓ ఏ. ప్రశాంతి, ఏఈఓ బాలరాజు, సూపరింటెండెంట్ హనుమంతయ్య, టెంపుల్ ఇన్స్పెక్టర్ నవీన్ ఈ కార్యక్రమాలను పర్యవేక్షించారు. ఆ తరువాత ఆలయంలో ఉదయం 11 గంటల నుంచి మధ్యాహ్నం 12 గంటల వరకు శ్రీరామనవమి ఆస్థానం నిర్వహించారు. సాయంత్రం నాలుగు గంటల నుంచి ఏడు గంటల వరకు పోతన జయంతి కార్యక్రమం, కవి సమ్మేళనం జరుగనుంది. రాత్రి ఏడు నుంచి 9 గంటల వరకు శేషవాహనంపై అధిరోహించే సీతారామ, లక్ష్మణులు యాత్రికులకు దర్శనం ఇవ్వనున్నారు.
తిరుమల తరహాలోనే ...
విష్ణు దర్భ ప్రాధాన్యం
