తన భార్య వెంకటమాధవిని హతమార్చిన మాజీ జవాన్ గురుమూర్తిని రాచకొండ పోలీసులు సీపీ కార్యాలయానికి తీసుకువచ్చి మీడియా ముందు ప్రవేశపెట్టారు. భార్య వెంకటమాధవిని గోడకేసి కొట్టి, గొంతు నులిమి కిరాతకంగా హతమార్చాడని దర్యాప్తులో తేలిందని రాచకొండ పోలీసు కమిషనర్ జి సుధీర్ బాబు చెప్పారు. భార్యతో గొడవపడి చంపాడని సీపీ తెలిపారు. జనవరి 15,16 తేదీల్లో భార్యభర్తల మధ్య గొడవ జరగడంతో పథకం ప్రకారమే గురుమూర్తి భార్యను హత్య చేశాడని తేలింది. హత్యకు పథకం ప్రకారమే ముందే పిల్లల్ని సోదరి ఇంటికి పంపించాడు. హత్యానంతరం మృతదేహాన్ని డిస్పోజ్ చేసి, పిల్లల్ని తీసుకువచ్చి రెండు రోజులు గడిపాడని సీపీ చెప్పారు. భార్యను హత్య చేసిన గురమూర్తిలో ఎలాంటి పశ్చాతాపం లేదని సీపీ చెప్పారు. మీ మమ్మీ నాతో గొడవ పెట్టుకొని ఇంట్లో నుంచి వెళ్లిపోయిందని గురుమూర్తి పిల్లల్ని నమ్మించాడని సీపీ వివరించారు.భార్యను చంపి, ముక్కలు చేసి వాటి ఆనవాళ్లు లేకుండా చేశాడని, గురుమూర్తి కిరాతక వ్యక్తి అని సీపీ చెప్పారు.
చెరువు వద్ద సీన్ రీ కన్ స్ట్రక్షన్
వెంకట మాధవి కేసులో నిందితుడైన గురుమూర్తిని పోలీసులు చెరువు వద్దకు తీసుకువచ్చి క్రైం సీన్ ను రీ కన్ స్ట్రక్షన్ చేశారు.
సైంటిఫిక్ ఆధారాలు సేకరించాం
వెంకటమాధవి హత్య కేసులో సైంటిఫిక్ ఆధారాలను సేకరించామని రాచకొండ సీపీ జి సుధీర్ బాబు చెప్పారు. భార్యను హత్యచేసిన గురుమూర్తి పోలీసులను తప్పు దారి పట్టించేందుకు యత్నించాడని సీపీ చెప్పారు.
మహిళ మిస్సింగ్ కేసును ఛేదించిన పోలీసులు వెంకటమాధవి మిస్సింగ్ కేసును మీర్ పేట పోలీసులు ఛేదించారు. సాంకేతిక ఆధారాలు,నిర్దిష్ట సమాచారం ఆధారంగా వెంకటమాధవిని భర్త గురుమూర్తి హతమార్చి మిస్సింగ్ అంటూ అత్తతో కలిసి ఫిర్యాదు చేశాడని పోలీసులు చెప్పారు. పుట్టా వెంకట మాధవి ని ఆమె భర్త మాజీ సైనికుడైన గురు మూర్తి హత్య చేశాడని పోలీసుల దర్యాప్తులో తేలింది. జనవరి 18వతేదీన ఒంటిగంటకు తప్పిపోయిన మహిళ తల్లి కుప్పల సుబ్బమ్మ ఫిర్యాదు చేశారు.
సీసీటీవీ ఫుటేజ్ సహాయంతో... విచారణ సమయంలో, ఇంటి యజమాని సీసీటీవీ ఫుటేజ్‌లను పరిశీలించగా 15వతేదీ రాత్రి పుట్ట గురుమూర్తి, అతని భార్యవెంకట మాధవి వారి ఇంటి లోపలికి వెళ్లినట్లు రికార్డు అయింది. తరువాత అతని భార్య వెంకట మాధవి బయటకు వెళ్ళినట్లు సీసీటీవీ ఫుటేజ్‌లలో కనిపించే ఆధారాలు లేవు.దీంతో నిందితుడు తన భార్యను హత్య చేసి ఉండవచ్చని స్పష్టంగా తెలుస్తుంది.నిందితుడు గురుమూర్తిని తీసుకువచ్చి విచారించగా,14వతేదీ ఉదయం తాను కాంచన్ బాగ్‌లో తన విధులకు హాజరు కావడానికి వెళ్లి తిరిగి వచ్చానని ఒప్పుకున్నాడు. మధ్యాహ్నం ఇంటికి వచ్చి, ఫ్రెష్ అయ్యి, తన భార్య మాధవిని, ఇద్దరు పిల్లలను తీసుకుని బడంగ్‌పేటలోని తన అక్క సుజాత ఇంట్లో సంక్రాంతి పండుగ జరుపుకునేందుకు వెళ్లాడు. అదే రోజు వారు పిల్లలను అతని సోదరి ఇంట్లో వదిలి, రాత్రికి జిల్లెలగూడలోని న్యూ వెంకటేశ్వర కాలనీలోని వారి ఇంటికి తిరిగి వచ్చారు. మరుసటి రోజు15వతేదీ వారు మళ్ళీ బడంగ్‌పేటలోని అతని సోదరి ఇంటికి వెళ్లారు. ఆ రోజు కూడా, వారు పిల్లలను తన సోదరి ఇంట్లో వదిలి రాత్రి 10:30 గంటలకు ఇంటికి తిరిగి వచ్చాడు. భార్యభర్తలు ఆ రాత్రి ఇద్దరూ తమ ఇంట్లో పడుకున్నారు.
పోలీసుల కథనం ప్రకారం...
‘‘జనవరి 16వతేదీన నిద్ర నుంచి మేల్కొని గురుమూర్తి తన భార్య వెంకటమాధవిని చంపాలనే ఉద్దేశ్యంతో ఆమెను బలంగా కొట్టాడు. దాంతో ఆమె నేలపై పడిపోయింది, ఆమె స్పృహ కోల్పోయే వరకు ఆమెను గొంతు నులిమి చంపాడు. ఆమె మరణం తరువాత హత్యను కప్పిపుచ్చాలని నిర్ణయించుకున్నాడు. ఆమె మృతదేహాన్ని ఎలాంటి జాడ తెలియకుండానే పారవేయాలని అతను నిర్ణయించుకున్నాడు.గురుమూర్తి తన భార్య మృతదేహాన్ని బాత్రూంకు తీసుకెళ్లి ఆమె ధరించిన బట్టలు తీసి బెడ్‌రూమ్‌లోని మంచం మీద పడేశాడు.’’
మృతదేహాన్ని ముక్కలు చేసి...
‘‘తరువాత వంటగది నుంచి కత్తి తెచ్చి మొదట రెండు భుజాల దగ్గర కోసి, నడుము వద్ద రెండు కాళ్ళను నరికి, తర్వాత తన భార్య మృతదేహం చేతులు, కాళ్ళను చిన్న ముక్కలుగా నరికి, వాటిని ఒక బకెట్‌లో ఉంచాడు. తరువాత అతను వాటర్ హీటర్ ఉపయోగించి నీటిని వేడి చేసి, ఆ భాగాలను మరిగించి, తరువాత సింగిల్ బర్నర్ గ్యాస్ స్టవ్‌పై కాల్చాడు. కాలిన తర్వాత, అతను ఎముకలను ఒక చువ్వతో నలిపివేశాడు. రాతి పొడిగా చేయడం. ఎముకల పొడి చిన్న మాంసపు ముక్కలను టాయిలెట్‌లో పారవేశాడు. చాలాసార్లు నీటితో శుభ్రం చేసి, మిగిలిన చిన్న ఎముకలను ఇంటి చెత్త డబ్బాలో ఉంచాడు. మృతదేహాన్ని ముక్కలుగా కోసి పారవేయడానికి అతనికి ఉదయం 10:00 గంటల నుంచి సాయంత్రం 6:00 గంటల వరకు పట్టింది. తరువాత, అతను డిటర్జెంట్ సబ్సును ఉపయోగించి బాత్రూమ్ శుభ్రం చేశాడు. ఫినాయిల్ తో సాక్ష్యాలను తొలగించాడు.’’ అని పోలీసులు వివరించారు.