Hyderabad Boat Fire | హుస్సేన్ సాగర్ బోట్లలో భారీ అగ్ని ప్రమాదం

హైదరాబాద్ నగరంలోని హుస్సేన్ సాగర్ లో ఆదివారం రాత్రి రెండు బోట్లలో భారీ అగ్ని ప్రమాదం జరిగింది.పడవల్లో ఉంచిన బాణాసంచా పేలుడికి ఒక్కసారిగా రెండు బోట్లలో అగ్నిప్రమాదం జరిగి మంటలు వ్యాపించాయి. ఒక్క బోటులో రాజుకున్న మంటలు రెండో బోటుకు కూడా వ్యాపించాయి. 

 రిపబ్లిక్ డే సందర్బంగా ప్రతి సంవత్సరం భరతమాత ఫౌండేషన్ హుసేన్ సాగర్ లో మహా హారతి నిర్వహిస్తుంది. ఈ సారి ఈ కార్యక్రమం జరిగింది. అనంతరం , బాణ సంచా పేల్చే కార్యక్రమం ఉంది. అయితే, ఒక బోటులో ఉంచిన బాణ సంచాకు నిప్పంటుకుంది. ఈ అగ్నిప్రమాదంలో రెండు బోట్లు కాలి బూడిదగా మారాయి. - ఒక్కసారిగా మంటలు వ్యాపించి బోట్లు కాలి పోయాయని సమాచారం. ఈ అగ్నిప్రమాదం వల్ల బోట్లలో ఉన్న పలువురికి గాయాలయ్యాయి. అసమయంలో బోట్లో పదహైదు మంది దాకా ఉన్నారని, వాళ్లంతా సురక్షితంగా బయటపడ్డారని తెలిసింది. ప్రమాదంలో గాయపడిన వారిని సమీపంలోని ఆసుపత్రికి తరలించారు. 

 ఇది ఇలా ఉంటే హైదరాబాద్ లో ఘనంగా రిపబ్లిక్ డే వేడుకలు జరిగాయి. నగరంలోని సెక్రటేరిట్ భవనం విద్యుద్దీపాల అలంకరణతో దేదీప్యమానంగా వెలిగిపోయింది