Telangana Police | తెలంగాణ పోలీసులకు ప్రశంసల వెల్లువ, అవార్డులెన్నో..
2024వ సంవత్సరంలో తెలంగాణ పోలీసులకు ప్రశంసలు వెల్లువెత్తాయి. హైదరాబాద్‌లోని శాలిబండ పోలీసుస్టేషన్ దేశంలోనే 8వ ఉత్తమ పోలీస్ స్టేషన్‌గా నిలిచింది.
By : Shaik Saleem
Update: 2024-12-29 14:18 GMT
2024వ సంవత్సరంలో తెలంగాణ పోలీసులు మెరుగైన పనితీరు కనబర్చడంతో ప్రశంసలు వెల్లువెత్తాయి. వరద విపత్తుల్లో ప్రజలకు పోలీసులు మెరుగైన సేవలు అందించారు. హైదరాబాద్‌లోని శాలిబండ పోలీసుస్టేషన్ దేశంలోనే 8వ ఉత్తమ పోలీస్ స్టేషన్‌గా నిలిచింది.
- హైదరాబాద్ నగరంలో పోలీసులు జీఐఎస్ ను ఉపయోగించి గణేష్ నిమజ్జన ప్రక్రియను డిజిటల్ అప్లికేషన్ సాయంతో ట్రాక్ చేశారు. దీనిపై తెలంగాణ పోలీసులు డిజిటల్ అప్లికేషన్అంతర్జాతీయ కాన్ఫరెన్స్‌లో ప్రతిష్ఠాత్మక అంతర్జాతీయ డిజిటల్ ఇంజినీరింగ్ అవార్డును కైవసం చేసుకున్నారు.
- సైబర్ నేరాల కోసం అన్ని రాష్ట్రాలను కలుపుతూ కేంద్రీకృత పోర్టల్ రూపొందించినందుకు కేంద్ర హోం మంత్రిత్వశాఖ తెలంగాణ పోలీసులకు కేంద్ర హోంశాఖ మంత్రి అమిత్ షా ప్రశంసాపత్రాన్ని అందజేశారు. తెలంగాణ పోలీసులు ఇ-పెట్టీ కేస్ మొబైల్ యాప్, ఇంటిగ్రేటెడ్ పెట్రోల్ మేనేజ్‌మెంట్ సిస్టమ్,స్మార్ట్ పోలీసింగ్ కార్యక్రమాల స్కోచ్ అవార్డ్స్ -2024 లభించింది.
- సైబరాబాద్ పోలీస్ కమిషనరేట్‌కు డేటా సెక్యూరిటీ కౌన్సిల్ ఆఫ్ ఇండియా గౌరవం లభించింది.ఎక్సలెన్స్ ఇన్ కెపాసిటీ బిల్డింగ్ ఆఫ్ లా ఎన్‌ఫోర్స్‌మెంట్ ఏజన్సీస్ నుంచి ఎక్సలెన్స్ అవార్డ్ -2024 లభించింది.
- డిజిటల్ ఎవిడెన్స్ బేస్డ్ ఎన్‌ఫోర్స్‌మెంట్ ద్వారా ప్రజల భద్రతకు తీసుకున్న చర్యలకు ప్రశంసలు లభించాయి.సైబర్ సెక్యూరిటీకి సైబరాబాద్‌లోని సైబర్ క్రైమ్‌ యూనిట్‌ అందించిన విశేష సేవలను గుర్తించారు.తెలంగాణ ఫోరెన్సిక్ సైన్స్ లేబొరేటరీ ప్రతిష్ఠాత్మక గుర్తింపు పొందింది.
- తెలంగాణ పోలీసులకు 805 కమాండేటషన్,52 జాతీయ అవార్డులు లభించాయి.తెలంగాణ పోలీసులకు 1204 పతకాలు, ప్రధానమంత్రి గాలంట్రీ అవార్డు, 448 మెడల్స్ ప్రదానం చేశారు.