National Turmeric Board | నిజామాబాద్‌లో పసుపు బోర్డు ప్రారంభం
ఇందూరు పసుపు రైతుల దీర్ఘకాల కల సాకారం అయింది.నిజామాబాద్‌లో పసుపుబోర్డు కార్యాలయాన్ని కేంద్ర వాణిజ్య,పరిశ్రమల శాఖ మంత్రి పీయూష్ గోయల్ వర్చువల్ గా ప్రారంభించారు.;
ఇందూరు పసుపు రైతుల దీర్ఘకాల కల ఎట్టకేలకు సాకారం అయింది. నిజామాబాద్ నగరంలో పసుపు బోర్డు కార్యాలయం మంగళవారం ప్రారంభమైంది. పసుపు బోర్డు కార్యాలయాన్ని కేంద్ర వాణిజ్య, పరిశ్రమల శాఖ మంత్రి పీయూష్ గోయల్ వర్చువల్ గా ప్రారంభించారు.
కేంద్రమంత్రికి పసుపు కొమ్ముల దండ
పసుపు బోర్డు ప్రారంభం వల్ల రైతులు పండించిన పంటకు మంచి ధర రావడంతోపాటు స్టోరేజీ సౌకర్యం పెరుగుతుందని నిజామాబాద్ ఎంపీ ధర్మపురి అర్వింద్ చెప్పారు. పసుపు బోర్డు ప్రారంభం సందర్భంగా కేంద్రమంత్రి పీయూష్ గోయల్ కు పసుపుకొమ్ములతో తయారు చేసినదండను వేశారు. కేంద్రమంత్రితో కలిసి ఢిల్లీ నుంచి పసుపు బోర్డు ప్రారంభోత్సవ కార్యక్రమంలో ఎంపీ అర్వింద్ పాల్గొన్నారు. నిజామాబాద్ నగరంలో పసుపుబోర్డు ప్రారంభంతో గిట్టుబాటు ధర లభిస్తుందని అర్వింద్ చెప్పారు. దీంతోపాటు మరిన్ని ప్రాజెక్టులు తీసుకువస్తానని అర్వింద్ హామి ఇచ్చారు.
పసుపు రైతుల జీవితాల్లో మోదీ వెలుగు నింపారు...
పసుపుబోర్డును సరైన దిశగా నడిపించాలని కేంద్రమంత్రి పీయూష్ గోయల్ పల్లె గంగారెడ్డిని కోరారు.నిజామాబాద్ లో పసుపుబోర్డును ఏర్పాటు చేసి మోదీ పసుపు రైతుల జీవితాల్లో వెలుగు నింపారని పీయూష్ వ్యాఖ్యానించారు.రైతులకు మోదీ ఇచ్చిన మాటను నిలబెట్టుకున్నారని పీయూష్ వ్యాఖ్యానించారు. తాను రైతులకు అండగా ఉంటానని నిజామాబాద్ పసుపుబోర్డు ఛైర్మన్ పల్లె గంగారెడ్డి హామి ఇచ్చారు.