అభివృద్ధిలో హైదరాబాద్ అగ్రస్థానం, సీఎం ఎం చెప్పారంటే...

హైదరాబాద్‌ను అన్ని రంగాలలో గొప్ప నగరంగా తీర్చిదిద్దేందుకు తాము అవిశ్రాంతంగా కృషి చేస్తున్నామని తెలంగాణ రాష్ట్ర ముఖ్యమంత్రి ఎ రేవంత్ రెడ్డి ఎక్స్ పోస్టులో పేర్కొన్నారు.నైట్ ఫ్రాంక్ నివేదిక తాము చేస్తున్న ప్రయత్నాలకు ఆమోదం లభించినట్లయిందని సీఎం తెలిపారు.‘‘మనమందరం కలసి హైదరాబాద్‌ను ప్రపంచంలోని అగ్రశ్రేణి నగరాల్లో ఒకటిగా మార్చగలం’’అని సీఎం తెలిపారు. ఈ శుభవార్తను ప్రపంచంలోని ప్రతి మూలకు తీసుకెళ్లడంలో ప్రతి ఒక్క హైదరాబాదీ ప్రయత్నించాలని సీఎం కోరారు.

“రాష్ట్రంలో అభివృద్ధి జరగాలంటే, యువతకు ఉపాధి ఉద్యోగావకాశాలు లభించాలంటే పరిశ్రమలు స్థాపించాలి. అవసరమైన చోట భూ సేకరణ జరగాల్సిందే. అయితే, భూమి రైతుల ఆత్మగౌరవంతో ముడివడి ఉంటుంది. భూ సేకరణ చట్టం ప్రకారం తగిన పరిహారం ఇవ్వలేని పరిస్థితి ఉన్నందున, భూ సేకరణ చేసే ప్రాంతాల్లో భూముల విలువ మూడింతలు పెంచాలని ప్రభుత్వ ప్రధాన కార్యదర్శికి, కలెక్టర్లకు ఆదేశాలిచ్చాం” అని ముఖ్యమంత్రి రేవంత్ రెడ్డి బుధవారం ఎక్స్ పోస్టులో తెలిపారు. ‘‘భూ సేకరణలో భూములు కోల్పోయే రైతుల బాధలను ప్రజా ప్రభుత్వం అర్థం చేసుకోగలదు. శాశ్వత అభివృద్ధి కోసం రాష్ట్ర పునర్నిర్మాణ ప్రక్రియలో త్యాగం చేస్తున్న భూ యజమాన కుటుంబాలను ఆదుకోవడానికి నష్టపరిహారం పెంచాలి. అప్పుడే రైతులు ముందుకొస్తారు. అందుకే నష్టపరిహారానికి సంబంధించిన చట్టాన్ని సవరించాలని ఆదేశాలిచ్చాం’’అని సీఎం పేర్కొన్నారు.

తెలంగాణ రాష్ట్ర ముఖ్యమంత్రి రేవంత్ రెడ్డి ఆదేశాల మేరకు కొడంగల్ నియోజకవర్గంలో లగచర్ల గ్రామంలో బుధవారం నాగర్ కర్నూల్ పార్లమెంట్ సభ్యులు డాక్టర్ మల్లు రవి, పరిగి శాసనసభ్యులు రామ్మోహన్ రెడ్డి, వ్యవసాయ కమిటీ ఛైర్మన్ కోదండ రెడ్డి, ట్రైబల్ డెవలప్మెంట్ కార్పొరేషన్ చైర్మన్ బెల్లయ్య నాయక్ తదితరులు ప్రజాభిప్రాయ సేకరణ చేశారు.

We are working tirelessly to ensure #Hyderabad becomes a great city in all aspects. This report is a great endorsement of our efforts and vision.

Together, all of us can make Hyderabad one of the top cities in the world.

I urge each and every Hyderabadi to become a proactive… pic.twitter.com/xNnZ3jRxcz

— Revanth Reddy (@revanth_anumula) November 20, 2024

“రాష్ట్రంలో అభివృద్ధి జరగాలంటే, యువతకు ఉపాధి ఉద్యోగావకాశాలు లభించాలంటే పరిశ్రమలు స్థాపించాలి. అవసరమైన చోట భూ సేకరణ జరగాల్సిందే. అయితే, భూమి రైతుల ఆత్మగౌరవంతో ముడివడి ఉంటుంది. భూ సేకరణ చట్టం ప్రకారం తగిన పరిహారం ఇవ్వలేని పరిస్థితి ఉన్నందున, భూ సేకరణ చేసే ప్రాంతాల్లో భూముల విలువ… pic.twitter.com/9q78Fwrq95

— Telangana CMO (@TelanganaCMO) November 20, 2024