Tamilnadu | హౌసింగ్ స్కీమ్ కోసం అదనంగా రూ. 400 కోట్లు

తమిళనాడు రాష్ట్ర గృహ నిర్మాణ పథకం ‘కళైజ్ఞరిన్‌ కనవు ఇల్లం’ కింద పనులు వేగవంతం చేసేందుకు మరో రూ.400 కోట్లు విడుదల చేశామని, ఈ డబ్బు నేరుగా లబ్ధిదారుల బ్యాంకు ఖాతాల్లో జమ చేస్తామని ముఖ్యమంత్రి ఎంకే స్టాలిన్ బుధవారం ప్రకటించారు. అదనపు నిధుల విడుదలతో కలిపి మొత్తం రూ.1,451 కోట్లు లబ్ధిదారులకు అందజేస్తున్నట్లు తెలిపారు. ఈ పథకం కింద 360 చదరపు అడుగుల విస్తీర్ణంలో ఇల్లు నిర్మించనున్నారు. ఇంటి నిర్మాణానికి అవసరమైన సిమెంట్, స్టీల్ లబ్ధిదారులకు సబ్సిడీ ధరలకు రాష్ట్ర ప్రభుత్వమే సమకూరుస్తుంది. ఈ మొత్తాన్ని నాలుగు విడతలుగా డీబీటీ కింద జమ చేస్తారు. ఇప్పటివరకు రూ.860.31 కోట్లు లబ్ధిదారులకు అందజేయగా, రూ.135.30 కోట్లు నిర్మాణ సామగ్రికి చెల్లించినట్లు ఒక అధికారిక ప్రకటనలో తెలిపారు.

ఇప్పటికే 2024-25 సంవత్సరానికి 'కళైజ్ఞరిన్ కనవు ఇల్లుం’ కింద లక్ష కొత్త కాంక్రీట్ ఇళ్ల నిర్మాణానికి రూ.3.50 చొప్పున రూ.3,500 కోట్లు విడుదల చేస్తూ ఉత్తర్వులు జారీ అయ్యాయి. ఒక్కో ఇంటికి లక్ష చొప్పున కేటాయించారు. పనులు ఇంకా జరుగుతున్నాయి. తమిళనాడులోని గ్రామీణ ప్రాంతాల్లో 8 లక్షల గుడిసెలు ఉన్నాయని సర్వేలో వెల్లడైంది. వాటి స్థానంలో కాంక్రీట్ ఇళ్లను నిర్మించాలని ప్రభుత్వం నిర్ణయించింది. ప్రభుత్వం 2030లో 8 లక్షల కొత్త ఇళ్లను ప్రకటించింది.

పథకం గురించి క్లుప్తంగా..

గుడిసెవాసులకు శాశ్వత గృహాల నిర్మాణం కోసం తమిళనాడు ప్రభుత్వం 2010లో 'కలైంజర్ వీడు వళంగుం తిట్టం' ప్రారంభించింది. తమిళనాడులోని గ్రామీణ ప్రాంతాల్లో గుడిసెల స్థానంలో సురక్షితమైన, శాశ్వతమైన కాంక్రీట్ ఇళ్లను నిర్మించిన ఈ పథకం లక్ష్యం. 2030 నాటికి 'హట్-ఫ్రీ తమిళనాడు' దిశగా స్టాలిన్ ప్రభుత్వం పనిచేస్తుంది. 6 సంవత్సరాల వ్యవధిలో గ్రామీణ ప్రాంతాల్లో ఎనిమిది లక్షల కాంక్రీట్ ఇళ్లను నిర్మించనున్నారు.

ఈ పథకం కింద వంటగదితో కలితో 360 చ.అడుగుల విస్తీర్ణంలో ఇల్లు నిర్మిస్తారు. ఇందులో 300 చ.అడుగులు RCC రూఫింగ్‌ ఉంటుంది. మిగిలిన 60 చ.అడుగులు మండే స్వభావం లేని మెటీరియల్‌తో పైకప్పు నిర్మిస్తారు.