’’పీఎంకే కు అధ్యక్షుడు అన్బుమణే’’

తమిళనాడులో ఈ మధ్య కాలంలో తీవ్రమైన కుటుంబ కలహాలు పీఎంకేలో జరిగాయి. పట్టాలి మక్కల్ కచ్చి(పీఎంకే) లో పార్టీ వ్యవస్థాపకుడు డాక్టర్ ఎస్ రామదాస్, కొడుకు అన్భుమణి మధ్య ఆధిపత్య పోరు జరిగింది.

ఈ పోరులో అన్బుమణికే అధికారం దక్కింది. వచ్చే ఏడాది ఆగష్టు 1, 2026 వరకూ ఆయన అధ్యక్షుడిగా ఉండబోతున్నారు. నవంబర్ 28న ఈసీ జారీ చేసిన తీర్పు ప్రకారం.. అన్బుమణి ఎంపికను రద్దు చేసి, తిరిగి తననే అధ్యక్షుడిగా నియమించాలని కోరుతూ రామదాస్ ఈసీని కోరారు.

అయితే ఈసీ ఈ లేఖలను తోసిపుచ్చింది. వచ్చేవారం న్యూఢిల్లీలో నిరసన ప్రదర్శన నిర్వహించాలని ఆయన పిలుపునిచ్చారు. వచ్చే ఏడాది తమిళనాడు అసెంబ్లీకి ఎన్నికలు జరుగుతున్నాయి. ఇది వన్నియార్ కమ్యూనిటీని విచ్ఛిన్నం చేసే అవకాశం ఉందని భావిస్తున్నారు.

వ్యవస్థాపక శిబిరం..

డాక్టర్ ఎస్ రామదాస్ కు ఈసీ లేఖ రాసింది. ఇందులో చాలా స్పష్టంగా పీఎంకే పదవీకాలం వచ్చే ఏడాది ఆగష్టు 1, 2026 వరకూ అన్భుమణినే అధికారంలో కొనసాగుతారు. డాక్టర్ అన్భుమణి రామదాస్ పార్టీకి అధ్యక్షుడు.

నెలల తరబడి జరిగిన వాదనలు, పత్రాలు, అన్బుమణి వర్గం సమర్పించిన ఆధారాలన్నీ కూడా పార్టీ దొంగతనం కింద భావించాలని రామదాస్ వర్గం వాదనగా ఉంది. పీఎంకే ప్రతినిధి, న్యాయవాదీ కే బాలు ఈ నిర్ణయాన్ని స్పష్టమైన ఆమోదం గా అన్నారు. అన్బుమణి మద్దతుదారులే ఇప్పుడు పార్టీ సింబల్ గా ఉపయోగించగలరని చెప్పారు. రామదాస్ శిబిరానికి ఇది ద్రోహంగా భావిస్తున్నారు.

రామదాస్ వర్గానికి తీవ్ర విధేయుడైన ఎమ్మెల్యే జీకే మణి మాట్లాడుతూ.. అన్భుమణి బృందం నకిలీ పత్రాలు సమర్పించారని ఆరోపించారు. చట్టపరంగా పోరాడుతామని ప్రతిజ్ఞ చేశారు. అయితే రామదాస్ తన గుర్తింపును కాపాడుకోవడానికి ఓ చీలిక గ్రూపు ను తీసుకురావాలని ఆలోచిస్తున్నాడు.

కేంద్ర ప్రభుత్వంపై ఒత్తిడి తీసుకురావడం, అక్రమంగా స్వాధీనం చేసుకున్న పార్టీని విడిపించడం వీటి కోసం ఢిల్లీ కేంద్రంగా ప్రణాళిక రచించామని పార్టీ వర్గాలు తెలుపుతున్నాయి.

‘‘ఇది కేవలం పార్టీ పదవి గురించి కాదు. పీఎంకే ఆత్మ గురించి’’ అని మణి అన్నారు. పార్టీ ప్రయివేట్ ఆస్తి కాదని, వ్యవస్థాపకుడి దీర్ఘకాలిక కల అన్నారు. ఉత్తర తమిళనాడు జిల్లాలోని పార్టీ స్థావరాలు, కార్యకర్తలు విశ్వసనీయంగా ఉన్నారని చెప్పారు.

పార్టీలో వైరాలు..

ఒకప్పుడు ఐక్యంగా ఉన్న రామదాస్ కుటుంబం 2024 లో జరిగిన సార్వత్రిక ఎన్నికల తరువాత లుకలుకలు ప్రారంభం అయ్యాయి. డిసెంబర్ 28న విల్లుపురంలో జరిగిన పీఎంకే జనరల్ కౌన్సిల్ సమావేశంలో అసమ్మతి చెలరేగింది.

రామదాస్ తన మనవడు పి. ముకుందన్(కుమార్తె గాంధీమతి కుమారుడు) యువజన విభాగం అధ్యక్షుడిగా నియమించాలని ఒత్తిడి చేశారు. ‘‘తన తండ్రి పక్కన కూర్చున్న అన్భుమణి, కుటుంబానికి మరిన్ని పదవులు ఇవ్వండి’’ అని వ్యంగ్యంగా మాట్లాడుతూ.. మైక్ ను కిందకు పడేశాడు.

మే 2025 నాటికి ఈ వైరం ముదిరింది. అన్భుమణి మూడేళ్ల పదవీకాలం మే 28న ముగిసిందని రామదాస్ ప్రకటించారు. తరువాత తనను తానే అధ్యక్షుడిగా నియమించుకున్నాడు.

తన కొడుక పనితీరు సరిగా లేదని వర్కింగ్ ప్రెసిడెంట్ స్థాయికి అన్భుమణి పదవిని తగ్గించాడు. తరువాత తండ్రి కొడుకుల మధ్య వివాదం చెలరేగింది. ప్రజల నుంచి విమర్శలు వచ్చాయి. అన్బుమణిని మంత్రిని చేసినందుకు తాను చింతిస్తున్నానని రామదాస్ ఆరోపించారు. అన్భుమణి తన తండ్రి చర్యలు చెల్లవని ప్రకటించారు.

వేసవిలో పార్టీ సమాంతర జనరల్ కౌన్సిల్ సమావేశాలను నిర్వహించింది. అన్భుమణి వర్గం మహాబలిపురంలో సమావేశమైన అతని పదవీకాలాన్ని 2026 వరకూ పొడిగించింది.

సెప్టెంబర్ 11న రామదాస్ వర్గం అన్బుమణిని బహిష్కరించింది. ఆయన పార్టీలో చీలికలు తెస్తున్నారని ఆరోపించింది. సీనియర్ రామదాస్ బీజేపీ మధ్యవర్తిత్వాన్ని కోరుతూ.. ప్రధాని నరేంద్ర మోదీతో సమావేశం కావాలని కోరాడు. కానీ ఆశించిన ఫలితం రాలేదు.

ఘర్షణలకు ఆజ్యం..

తాజాగా కడలూర్ లో జరిగిన పార్టీ సంప్రదింపుల సమావేశంలో సీనియర్ రామదాస్ తీవ్ర ఆరోపణలు చేశాడు. తన కుమారుడు ఇటీవల నిర్ణయం కోసం ఈసీకి ముడుపులు ముట్టజెప్పారని ఆరోపించారు.

‘‘అన్బుమణి ఎన్నికల కమిషన్ కు లంచం ఇచ్చి కొనుగోలు చేశాడు. నేను నా హక్కులను ఎప్పటికీ వదులుకోను. నా హక్కులను ఎవరూ దొంగిలించలేరు ఇప్పటి నుంచి రామదాసే గెలుస్తాడు.

అసెంబ్లీ లో పీఎంకేకు ప్రాతినిధ్యం తగ్గడం ఆయన ప్రభావమే. నేను స్థాపించిన పార్టీని అతను(రామదాస్) ఆక్రమించుకోవడానికి ప్రయత్నిస్తున్నాడు. పార్టీ విషయాలను సంబంధించి అన్భుమణి చెప్పేవన్నీ అబద్ధం’’ అన్నారు.

రాజకీయ విశ్లేషకుడు రవీంద్రన్ మాట్లాడుతూ.. ‘‘అన్బుమణి తన రాజకీయ దిశ గురించి స్పష్టంగా ఉన్నారు. ఆయన తన నాయకత్వ లక్ష్యాలు, తన సమాజ సంక్షేమం రెండింటి కోసం ఎన్డీఏకి తిరిగి వస్తారని నేను కచ్చితంగా అనుకుంటున్నాను’’ అని అన్నారు.