కాంగ్రెస్ అధిష్టానం కర్ణాటకను సరిగా హ్యాండిల్ చేయలేకపోతుందా?
2014 నుంచి కేంద్రంలో వరుసగా ఓడిపోతున్న పార్టీ, శక్తివంతులైన ప్రాంతీయ నాయకులతో సరిగా డీల్ చేయలేకపోతున్నా అధిష్టానం
By : The Federal
Update: 2025-11-29 06:48 GMT
కర్ణాటక కాంగ్రెస్ లో సీఎం పదవిపై కొనసాగుతున్న వివాదం యావత్ దేశం దృష్టిని ఆకర్షిస్తోంది. ఇచ్చిన మాట నిలబెట్టుకోవాలని డిప్యూటీ సీఎం డీకే శివకుమార్ కోరుతున్నారు. ముఖ్యమంత్రి మార్పుపై హై కమాండ్ నిర్ణయానికి కట్టుబడి ఉంటానని మరోవైపు సిద్దరామయ్య చెబుతున్నారు. ఈ పరిస్థితులపై ‘ది ఫెడరల్’ పొలిటికల్ ఎడిటర్ పునీత్ నికోలస్ యాదవ్ తన అభిప్రాయాలను వివరించారు.
నాయకత్వ పోరు..
ఢిల్లీలో కాంగ్రెస్ సీనియర్ నాయకులను కలవడానికి రెండు వర్గాలు సిద్ధమవుతున్న ఈ సందర్భంలో కర్ణాటక రాజకీయాలలో అధికార పోరు బహిరంగ చర్చా వేదికగా మారింది.
కాంగ్రెస్ దేశంలో మూడు రాష్ట్రాలలో అధికారంలో ఉంది. అందులో కర్ణాటక పెద్ద రాష్ట్రం. అయితే తాజాగా నాయకత్వ మార్పు అంశం అంతర్గత ఘర్షణలను లేవనెత్తింది. ముఖ్యమంత్రి మార్పు ఉంటుందా లేదా అనే అనిశ్చితి ఇంకా కొనసాగుతోంది.
‘‘హై కమాండ్ ఏమి చెప్పినా నేను దానికి కట్టుబడి ఉంటాను’’ అని సిద్ధరామయ్య ఓ వైపు ప్రకటిస్తున్నారు. ముఖ్యమంత్రి పదవిపై అంతిమ నిర్ణయం పూర్తిగా కేంద్ర నాయకత్వంపైనే ఉంటుందని స్పష్టమైన సంకేతాలు ఇచ్చారు.
ఈ ప్రకటన కూడా ముఖ్యమంత్రిని నిర్ణయించేది రాష్ట్ర అంతర్గత అభిప్రాయం కాదని, ఉన్నత స్థాయి జోక్యంపై ఆధారపడి ఉంటుందని తెలియజేస్తుంది.
హై కమాండ్ పట్టుతగ్గుతోందా?
కర్ణాటక వంటి రాష్ట్రాలలో పదేపదే జరుగుతున్న అంతర్గత ఘర్షణలు కాంగ్రెస్ హై కమాండ్ బలం తగ్గిపోవడాన్ని సూచిస్తుందని రాజకీయా పరిశీలకులు వ్యాఖ్యానిస్తున్నారు.
ఇంతకుముందు దశాబ్ధాలలో కేంద్ర నాయకత్వం ఇలాంటి అసమ్మతిని సమర్థవంతంగా డీల్ చేసేది. కానీ 2014 నుంచి కేంద్రంలో అధికారంలోకి రాలేకపోయిన తరువాత అది డీలా పడిన సంగతి స్పష్టంగా కనిపిస్తోంది.
వివిధ రాష్ట్రాలలో శక్తివంతమైన ప్రాంతీయ నాయకులతో హైకమాండ్ చర్చలు జరిపే శక్తి తగ్గిందని, దాని సామర్థ్యం గణనీయంగా బలహీనపడిన సంగతిని తెలియజేస్తున్నాయి.
మున్ముందు ఏం జరగబోతోంది..
ప్రస్తుతం జరుగుతున్న సంక్షోభం కాంగ్రెస్ కు కొత్తకాదు. ఇంతకుముందు రాష్ట్రాలలో ఇలాంటి నాయకత్వం సంక్షోభం పార్టీ చూసింది. వీటిలో చాలా వరకూ ధిక్కారాలు, పార్టీ ఫిరాయింపులన్నీ కూడా ఎన్నికల నష్టాలతో ముగిశాయి.
కర్ణాటకలో ప్రస్తుతం నాయకత్వ పోటీ ఎక్కువగా ఉంది. తుది ఫలితం కాంగ్రెస్ ను ఎవరు నడిపిస్తారనేదే కాకుండా పార్టీని క్రమశిక్షణ నిలపడం, అంతర్గతంగా ఐక్యంగా ఉండటం పైనే దాని భవిష్యత్ ఆధారపడి ఉంది. ఢిల్లీ కీలకమైన సమావేశాలు ఉన్నందున రాబోయే రోజులలో అది తీసుకునే నిర్ణయాలు రాష్ట్ర రాజకీయాల గమనాన్ని గణనీయంగా మార్చగలవు.