వరదల పై బెంగళూర్ ప్రజల ఆగ్రహం, సోషల్ మీడియాలో ప్రభుత్వంపై అసంతృప్తి

భారత సిలికాన్ సిటీ బెంగళూర్ నగరాన్ని సోమవారం కుండపోత వర్షాలు ముంచెత్తాయి. అనేక ప్రాంతాలను వరదలో మునిగిపోయాయి. సాధారణ జీవనం అస్తవ్యస్తం కావడంతో ప్రజలు ఆగ్రహం వ్యక్తం చేశారు. వర్షాల సమయంలో రోడ్లు, డ్రెయిన్లు పనిచేసేలా చూడడంలో ప్రభుత్వం విఫలమైందని, అయితే ప్రభుత్వం తమపై ఎందుకు ఎక్కువ పన్నులు వేస్తోందని చాలా మంది సోషల్ మీడియా పోస్టులో పేర్కొన్నారు. పాఠశాలలను మూసివేయాలని సోమవారం ఉదయం 8 గంటలకు బెంగళూరు అడ్మినిస్ట్రేషన్ తీసుకున్న నిర్ణయం ప్రజల ఆగ్రహాన్ని మరింత పెంచింది.

ఈ ఏడాది వేసవికాలంలో బెంగళూర్ నగరంలో తీవ్ర నీటి ఎద్దడి ఏర్పడింది. బకెట్ నీళ్ల కోసం ప్రజలు గంటల తరబడి క్యూలో నిల్చున్నారు. తీవ్రమైన నీటి  ఎద్దడి వలన అనేక కార్పొరేట్ సంస్థలు వర్క్ ఫ్రమ్ హోం ని అమలు చేసింది. కనీసం టాయిలెట్ లలో నీరు లేకపోవడంతో అనేక పాఠశాలలు కూడా మూసేశారు. ఇప్పుడు వర్షాకాలంలో పరిస్థితి పూర్తిగా ఎదురుతిరిగింది.