చైనా వైరస్ పై భయపడాల్సిన పనిలేదు: కేరళ

చైనాలో విభృంభిస్తున్న వైరల్ ఫీవర్, శ్వాస కోశ ఇన్ ఫెక్షన్ విపరీతంగా వ్యాపిస్తోందన్న వార్తలను రాష్ట్ర ప్రభుత్వం నిశితంగా పరిశీలిస్తోందని, ఇప్పటికిప్పుడు భయపడాల్సిన అవసరం లేదని కేరళ ఆరోగ్య మంత్రి వీణా జార్జ్ అన్నారు.

ఓ పేస్ బుక్ పోస్టులో... చైనాలో తాజాగా విస్తరిస్తున్న వైరస్ గురించి ఇప్పటి వరకూ ఎటువంటి నివేదికలు రాలేదు. అవి మహమ్మారిగా మారవచ్చు, అలాగే ఇతర ప్రాంతాలకు వేగంగా వ్యాపించే అవకాశం ఉందని అన్నారు. ప్రపంచంలోని అన్ని ప్రాంతాలలో మలయాళీలు ఉన్నారని, అలాగే చైనాలోనూ పెద్ద సంఖ్యలో ఉన్నారని, వీరంతా తరుచూగా రాష్ట్రానికి వస్తున్న నేపథ్యంలో మరింత జాగ్రత్తగా భద్రతా చర్యలు తీసుకోవాల్సిన అవసరం ఉందని అన్నారు.