‘మహా కుంభ్’ లో రోబోటిక్ సేవలు... వేటి కోసం ఉపయోగిస్తారంటే?

ఉత్తరప్రదేశ్ అదనపు డైరెక్టర్ జనరల్ (అగ్నిమాపక సేవలు) పద్మజా చౌహాన్ మాట్లాడుతూ.. అగ్నిమాపక సిబ్బందికి చేరుకోలేని ప్రాంతాలకు 20 నుంచి 25 కిలోల బరువు ఉన్న మూడో రోబోటిక్ లను ఉపయోగిస్తామని చెప్పారు. ఈ రోబోలు మెట్లు ఎక్కి మంటలను కచ్చితత్వంతో ఆర్పగలవని, వేగంగా సురక్షితమైన ప్రతిస్పందనలకు భరోసా ఇస్తాయని ఆయన చెప్పారు. "రోబోటిక్ ఫైర్ టెండర్లను చేర్చడం అగ్నిమాపక నిర్వహణలో సాంకేతిక పురోగతిని సూచిస్తుంది. వాటిని సులభంగా తీసుకువెళ్లవచ్చు. సున్నిత ప్రాంతాలలో మోహరించవచ్చు," అని చౌహాన్ జాతీయ మీడియాకి చెప్పారు.

మహాకుంభ్‌లో 35 మీటర్ల ఎత్తు నుంచి నీటిని పిచికారీ చేయగల వాటర్ టవర్ కూడా ఉంది. టవర్‌లో అగ్నిప్రమాదాలు జరిగే ప్రాంతాలను పై నుంచి పర్యవేక్షించేందుకు అత్యాధునిక సాంకేతిక పరిజ్ఞానంతో కూడిన కెమెరాను అమర్చినట్లు తెలిపారు. వీటికి తోడు అదనంగా, ప్రత్యేక శిక్షణ పొందిన రెస్క్యూ గ్రూప్ (STRG) ఏర్పాటు చేస్తున్నారు. మహకుంభ్ సమయంలో దాని 200 మంది సిబ్బందిని హైరిస్క్ జోన్‌లలో మోహరిస్తారని చౌహాన్ చెప్పారు.

"అగ్ని ప్రమాదాలను పూర్తిగా నివారించడంపై మా దృష్టి ఉంది. రోజువారీ అగ్నిమాపక తనిఖీలు నిర్వహిస్తాం. శిబిరాల్లో బ్లోవర్లు, ఇమ్మర్షన్ రాడ్లు వంటి పరికరాలను సురక్షితంగా ఉపయోగించకుండా పారిశుద్ధ్య కార్మికులు తనిఖీ చేస్తారు" అని ఆయన చెప్పారు.

అగ్నిమాపక సేవల కోసం ప్రభుత్వం రూ. 67 కోట్లు కేటాయించింది. గత కుంభ్ సమయంలో కేటాయించిన రూ. 6 కోట్లతో పోల్చుకుంటే చాలా ఎక్కువ. ప్రయాగ్‌రాజ్‌లోని అగ్నిమాపక, అత్యవసర సేవల ప్రధాన కార్యాలయంలో చౌహాన్ సోమవారం తనిఖీ నిర్వహించారు. మహాకుంభం జనవరి 13న ప్రారంభమై ఫిబ్రవరి 26న ముగుస్తుంది. దీనికోసం విస్తృత ఏర్పాట్లు చేశారు. ఇది కొన్ని రోజుల్లో అత్యంత పవిత్రంగా భావిస్తారు. అందువల్ల ఎక్కువమంది భక్తులు వచ్చే అవకాశం ఉంది.