దశాబ్ధం తరువాత జమ్మూకాశ్మీర్ అసెంబ్లీకి ఎన్నికలు..

జమ్మూ కాశ్మీర్‌లో బుధవారం అసెంబ్లీ ఎన్నికలకు ఓటింగ్ జరుగుతోంది. ఆర్టికల్ 370 రద్దు తర్వాత మొదటిసారి, కేంద్ర పాలిత ప్రాంతంలోని ఏడు జిల్లాల్లో విస్తరించి ఉన్న 24 నియోజకవర్గాలకు కట్టుదిట్టమైన భద్రతా ఏర్పాట్ల మధ్య మొదటి దశలో పోలింగ్ జరుగుతుంది.

దాదాపు పది సంవత్సరాల తరువాత కేంద్రపాలిత ప్రాంతాల్లో అసెంబ్లీకి తొలిసారిగా ఎన్నికలు జరగబోతున్నాయి. జమ్మూ కాశ్మీర్‌కు ప్రత్యేక ప్రతిపత్తిని కల్పించే ఆర్టికల్ 370ని కేంద్రం రద్దు చేసింది. పూర్వపు రాష్ట్రాన్ని జమ్మూ కాశ్మీర్, లడఖ్ -- రెండు యుటిలుగా విభజించింది

జమ్మూ కాశ్మీర్‌లోని 24 అసెంబ్లీ సెగ్మెంట్లలో ఉదయం 7 గంటలకు పోలింగ్ ప్రారంభమైందని, భద్రతా ఏర్పాట్లు సహా అన్ని ఏర్పాట్లు పూర్తయ్యాయని అధికారులు తెలిపారు. సాయంత్రం 6 గంటలకు పోలింగ్ ముగియనుంది.

23 లక్షల మంది ఓటర్లు, ఏడు జిల్లాలు..

మూడు దశల పోలింగ్‌లో మొదటి దశలో, పీర్ పంజాల్ పర్వత శ్రేణికి ఇరువైపులా ఉన్న జమ్మూ - కాశ్మీర్‌లోని ఏడు జిల్లాలు తమ ప్రతినిధులను ఎన్నుకునేందుకు ఓటింగ్ నిర్వహిస్తున్నాయి. జమ్మూ ప్రాంతంలోని మూడు జిల్లాల్లో ఎనిమిది, కాశ్మీర్ లోయలోని నాలుగు జిల్లాల్లో 16 మంది 24 అసెంబ్లీ సెగ్మెంట్‌లకు పోటీ చేస్తున్న 90 మంది స్వతంత్రులతో సహా 219 మంది అభ్యర్థుల భవితవ్యాన్ని 23 లక్షల మంది ఓటర్లు నిర్ణయిస్తారు.

ఎన్నికల సంఘం (EC) ప్రకారం, ఫేజ్ 1లో మొత్తం 23,27,580 మంది ఓటర్లు ఓటు వేయడానికి అర్హులు, వీరిలో 11,76,462 మంది పురుషులు, 11,51,058 మంది మహిళలు. 60 మంది థర్డ్ జెండర్ ఓటర్లు ఉన్నారు.

"18 నుంచి 19 సంవత్సరాల మధ్య వయస్సు గల 1.23 లక్షల మంది యువకులు, 28,309 మంది వికలాంగులు (పిడబ్ల్యుడిలు), 85 ఏళ్లు పైబడిన 15,774 మంది వృద్ధ ఓటర్లు కూడా మొదటి దశలో తమ ఓటు హక్కును వినియోగించుకోవడానికి అర్హులు" అని ఈసీ తెలిపింది. 3,276 పోలింగ్ కేంద్రాల్లో మొత్తం 14,000 మంది పోలింగ్ సిబ్బంది ఈ ప్రక్రియను పర్యవేక్షిస్తారని ఈసీ అధికారి తెలిపారు.

"302 అర్బన్ పోలింగ్ స్టేషన్లు, 2,974 గ్రామీణ పోలింగ్ స్టేషన్లు ఉన్నాయి. ప్రతి పోలింగ్ స్టేషన్‌లో ప్రిసైడింగ్ అధికారితో సహా నలుగురు ఎన్నికల సిబ్బంది ఉంటారు. మొత్తంగా, మొదటి దశ ఎన్నికల కోసం 14,000 మందికి పైగా పోలింగ్ సిబ్బందిని విధుల్లో మోహరించాం " అని చెప్పారు.

భద్రతా ఏర్పాట్లలో సెంట్రల్ ఆర్మ్‌డ్ పారామిలిటరీ ఫోర్సెస్ (సిఎపిఎఫ్), జమ్మూ కాశ్మీర్ సాయుధ పోలీసులు, జెకె పోలీసుల నుంచి బహుళ-స్థాయి బలగాలు ఉన్నాయని అధికారులు తెలిపారు.

తొలి దశలో ప్రముఖ అభ్యర్థులలైన తరిగామి, గులాం మీర్ కాశ్మీర్‌లోని ప్రముఖ అభ్యర్థులలో సీపీఐ (ఎం)కి చెందిన మహ్మద్ యూసుఫ్ తరిగామి, ఏఐసీసీ ప్రధాన కార్యదర్శి గులాం అహ్మద్ మీర్, నేషనల్ కాన్ఫరెన్స్‌కు చెందిన సకీనా ఇటూ, పీడీపీకి చెందిన సర్తాజ్ మద్నీ, అబ్దుల్ రెహ్మాన్ వంటి ప్రముఖులు ఉన్నారు.

జమ్మూలో మాజీ మంత్రులు సజ్జాద్ కిచ్లూ (ఎన్‌సి), ఖలీద్ నజీబ్ సుహార్వర్ది (ఎన్‌సి) వికార్ రసూల్ వనీ (కాంగ్రెస్), అబ్దుల్ మజీద్ వానీ (డిపిఎపి), సునీల్ శర్మ (బిజెపి), శక్తి రాజ్ పరిహార్ (దోడా వెస్ట్) తమ అదృష్టాన్ని పరీక్షించుకుంటున్నారు. సెప్టెంబర్ 25 న రెండో దశ ఎన్నికలు జరగగా, అక్టోబర్ 1న మూడో దశ పోలింగ్ కాగా, అక్టోబర్ 8న ఫలితాలు వెలువడనున్నాయి.