బ్రాహ్మణి సహకారం లేకపోతే ఏమీ చేయలేను

కూటమి ప్రభుత్వం నేతృత్వంలో ఆంధ్రప్రదేశ్‌లోని మహిళలకు గౌరవం పెరిగే విధంగా చర్యలు తీసుకుంటుందని మంత్రి నారా లోకేష్‌ పేర్కొన్నారు. తమ పిల్లలను చదివించుకునేందుకు ఆంధ్రప్రదేశ్‌లోని ఏ తల్లి కూడా ఇబ్బందులు పడకూడదనే సదుద్దేశంతో తల్లికి వందనం అమలు చేశామని లోకేష్‌ వెల్లడించారు. రెడ్‌బుక్‌ పేరు వింటేనే వైసీపీ నేతలకు గుండెపోటు వస్తోందని లోకేష్‌ ఎద్దేవా చేశారు. ప్రస్తుతం మచిలీపట్నం పర్యటనలో ఉన్న మంత్రి నారా లోకేష్‌కు మంత్రులు కొల్లు రవీంద్ర, వాసంశెట్టి సుభాష్, ఎంపీ వల్లభనేని బాలశౌరి, ఎమ్మెల్యేలు బోడే ప్రసాద్, వర్ల కుమార్‌రాజా, వెనిగండ్ల రాము, కాగిత కృష్ణప్రసాద్, ఇతర టీడీపీ నాయకులు లోకేష్‌కు ఘనస్వాగతం పలికారు. ఈ సందర్భంగా టీడీపీ మహిళా నేతలు లోకేష్‌కు హారతి ఇచ్చారు. త్వరలో పాఠశాలల్లో తల్లిదండ్రులు, ఉపాధ్యాయులతో సమావేశం నిర్వహిస్తామన్నారు.