విశాఖ స్టీల్ ప్లాంట్ ప్రైవేటీకరణకు ఒప్పుకోము : వైఎస్ జగన్
విశాఖ, అనకాపల్లి జిల్లాల పర్యనటలో ఉన్న మాజీ సీఎం జగన్ ను విశాఖ స్టీల్ ప్లాంట్ కార్మికులు కలిశారు. మద్దతు ఇవ్వాలని కోరారు.
ఉత్తరాంధ్ర జిల్లా పర్యటనలో భాగంగా మాజీ ముఖ్యమంత్రి, వైఎస్సార్సీపీ అధినేత వైఎస్ జగన్‌మోహన్ రెడ్డి విశాఖపట్నం చేరుకున్నారు. ఈ సందర్భంగా విశాఖ స్టీల్ ప్లాంట్ (VSP) కార్మికులు జగన్‌ను కలిసి, తమ సమస్యలపై వినతి పత్రం అందజేశారు. ప్రైవేటైజేషన్‌కు వ్యతిరేకంగా తమ పోరాటానికి మద్దతుగా ఉంటామని జగన్ హామీ ఇచ్చారు. మరోవైపు, నక్కపల్లి మండలం 16 గ్రామాల మత్స్యకారులు బల్క్ డ్రగ్ పార్క్ కాలుష్య సమస్యలపై జగన్‌ను కలవాలని వచ్చినా, పోలీసులు గ.భీమవరం వద్ద అడ్డుకున్నారు. కూటమి ప్రభుత్వం తమను మోసం చేసిందని మత్స్యకారులు ఆవేదన వ్యక్తం చేశారు.
స్టీల్ ప్లాంట్ కార్మికులతో సమావేశం
విమానాశ్రయం చేరుకునిన వెంటనే విశాఖ స్టీల్ ప్లాం్ వస్ప్) కార్మిక సంఘాల నాయకులు జగన్‌ను కలిశారు. ప్లాంట్ ప్రైవటైజేషన్‌కు వ్యతిరేకంగా తమ పోరాటానికి మద్దతు కోరుకుని, వినతి పత్రం అందజేశారు. ఈ సందర్భంగా జగన్ మాట్లాడుతూ, "అధికారంలో ఉన్నా, ప్రతిపక్షంలో ఉన్నా మా స్టాండ్ మారదు. స్టీల్ ప్లాంట్ ప్రైవటైజేషన్‌కు ఎప్పుడూ ఒప్పుకోము. ఈ ప్లాంట్ కోసం ఎలాంటి పోరాటానికైనా సిద్ధం. గతంలో అసెంబ్లీలో తీర్మానాలు చేశాం, ప్రధానికి లేఖలు రాశాం. ఇకపై పార్లమెంట్‌లో కూడా ప్రశ్నిస్తాం" అని భరోసా ఇచ్చారు. కార్మికులు జగన్ మద్దతును స్వాగతించి, "మాకు మద్దతు ఇచ్చిన వైఎస్ జగన్‌కు కృతజ్ఞతలు" అంటూ కృతజ్ఞతలు తెలిపారు. అలాగే, స్టీల్ ప్లాంట్‌కు వచ్చి మద్దతిస్తానని జగన్ హామీ ఇచ్చారు. కార్మిక సంఘాలు జగన్‌ను ప్లాంట్‌కు ఆహ్వానించి, "మీరు మా గొంతుక" అని పేర్కొన్నారు.
మత్స్యకారులు పోలీస్ అడ్డుకోవడంపై ఆవేదన: కాలుష్య పరిశ్రమలు మూసివేయాలి
మరోవైపు, బల్క్ డ్రగ్ పార్క్ కాలుష్య సమస్యలతో బాధపడుతున్న నక్కపల్లి మండలం 16 గ్రామాల మత్స్యకారులు జగన్‌ను కలవాలని విశాఖకు తరలి వచ్చారు. కానీ, గ.భీమవరం వద్ద పోలీసులు వారిని అడ్డుకుని, "వైఎస్ జగన్‌ను కలవడానికి అనుమతి లేదు" అని చెప్పారు. దీంతో మత్స్యకారులు తీవ్ర ఆవేదన వ్యక్తం చేస్తూ, "ఎలాగైనా జగన్‌ను కలిసి మా సమస్యలు చెప్పుకుంటాం" అని తెలిపారు. కూటమి నేతలను నమ్మి ఓటు వేసినందుకు తమను నిలువునా మోసం చేశారని ఆరోపించారు. "కాలుష్యకారక పరిశ్రమలు మా జీవనోపాధిని దెబ్బతీస్తున్నాయి. ఇవి మూసివేయాలి" అని డిమాండ్ చేశారు. బల్క్ డ్రగ్ పార్క్ వల్ల సముద్రం కలుషితమై, చేపలు తగ్గడం, ఆరోగ్య సమస్యలు పెరగడంతో మత్స్యకారులు కష్టాల్లో ఉన్నారు.