వైసీపీ పార్లమెంటు నియోజక వర్గాల పరీశీలకులు వీరే

వైఎస్‌ఆర్‌ కాంగ్రెస్‌ పార్టీ పార్లమెంటు నియోజక వర్గాల పరిశీలకులను నియమించింది. రాష్ట్రంలోని 25 పార్లమెంటు నియోజక వర్గాలకు పరిశీలకులను నియమిస్తూ ఆ పార్టీ కేంద్ర కార్యాలయం మంగళవారం రాత్రి ఒక ప్రకటన విడుదల చేసింది. ఎమ్మెల్సీ కుంభారవిబాబుకు ఈ జాబితాలో చోటు కల్పించారు. విజయవాడకు మాజీ ఎంపీ మోదుగుల వేణుగోపాల్‌రెడ్డిని, గుంటూరుకు పోతిన మహేష్‌ను, నరసరావుపేటకు పూనూరు గౌతంరెడ్డిని, ఒంగోలుకు బత్తుల బ్రహ్మానందరెడ్డిని, తిరుపతికి మేడా రఘునాథరెడ్డిని, కడపకు కొండూరు అజయ్‌రెడ్డిని నియమిస్తూ నిర్ణయం తీసుకుంది. అన్ని జిల్లాల పార్టీ అధ్యక్షులతో సమావేశం నిర్వహించిన మంగళవారం రోజే ఈ ప్రకటన విడుదల చేయడం గమనార్హం.