Tirumala| రేపు శ్రీవారి ఆర్జిత సేవా టికెట్లు విడుదల

తిరుమల శ్రీవారి దర్శనానికి తీవ్ర రద్దీ ఉంది. అన్నివర్గాల యాత్రికులను దృష్టిలో ఉంచుకుని టీటీడీ (TTD) ఆన్ లైన్ కోటా ఆర్జిత సేవా టికెట్లు గురువారం ఉదయం విడుదల చేయనుంది. టీటీడీ చీఫ్ పీఆర్ఓ రవి ఈ విషయం తెలిపారు. సామాన్య భక్తులకు కూడా ఆర్జిత సేవా టికెట్లు అందుబాటులో ఉంచడానికి వీలుగా ఆన్ లైన్ లో ప్రతి మూడు నెలలకు ఒకసారి టికెట్లు విడుదల చేస్తున్నట్లు చెప్పారు. ఇందులో పూర్తి పారదర్శత కోసమే టీటీడీ ఈ విధానం అమలులోకి తెచ్చిందన్నారు. అందరికీ శ్రీవారి దర్శనం కల్పించాలనే లక్ష్యంతోనే ఈ విధానం అమలులో ఉందన్నారు.