నెల్లూరులో కారు ప్రమాదం..ఆరుగురు మెడికోలు దుర్మరణం

నెల్లూరు జిల్లా కోవూరు మండలం పోతిరెడ్డిపాడు వద్ద ఈ ఘటన చోటు చేసుకుంది. ఈ ప్రమాద ఘటనలో హోటల్‌ కూలిపోవడమే కాకుండా, కారు కూడా నుజ్జు నుజ్జు అయ్యింది. అతివేగంతో ప్రయాణిస్తున్న కారు రోడ్డు పక్కనే ఉన్న ఓ హోటల్‌లోకి దూసుకెళ్లింది. ఈ దుర్ఘటనలో ఆరుగురు వ్యక్తులు మృతి చెందగా, మరో నలుగురు వ్యక్తులు తీవ్ర గాయాలపాలయ్యారు. గాయపడిన వారిని వైద్య చికిత్సల కోసం ప్రభుత్వ ఆసుపత్రికి తరలించారు. అయితే ఈ ప్రమాదంలో మరణించిన వారంతా నారాయణ మెడికల్‌ కళాశాల విద్యార్థులే అని ప్రాథమికంగా గుర్తించినట్లు తెలిసింది. ఈ ఘటనపై మరింత స్పష్టత రావలసి ఉంది.