చిత్తూరు జిల్లాలో యూనివర్సిటీ ఏర్పాటు చేస్తాం

తుని నియోజకవర్గం తొండంగి మండలం రావికంపాడులో హైస్కూలును జూనియర్ కాలేజిగా అప్ గ్రేడ్ చేయాలని తుని ఎమ్మెల్యే యనమల దివ్య కోరగా, మంత్రి నారా లోకేష్ స్పందిస్తూ... గతసర్కారు ప్రభుత్వ జూనియర్ కళాశాలలను నిర్వీర్యం చేసిందని చెప్పారు. హైస్కూలు ప్లస్ విధానంతో కళాశాలల్లో సబ్జెక్ట్ టీచర్లు లేకుండా చేశారు. రాష్ట్రంలో ప్రజాప్రభుత్వం వచ్చాక ఈ విధానాన్ని ప్రక్షాళన చేశాం. ప్రభుత్వ కళాశాలల్లో 40శాతం అడ్మిషన్లు మెరుగుపర్చాం. ఇంటర్మీడియట్ విద్యార్థులకు మధ్యాహ్న భోజనం ఏర్పాటుచేశాం, కాంపిటీటీవ్ మెటిరీయల్ ఇస్తున్నాం. ఎగ్జామ్స్ కు అవసరమైన మెటీరియల్ కూడా ప్రభుత్వ జూనియర్ కళాశాలల్లో అందిస్తున్నాం. ప్రైవేటుకు దీటుగా ప్రభుత్వ జూనియర్ కళాశాలలను తీర్చిదిద్దుతాం. మండలానికి ఒక జూనియర్ కళాశాల ఉండాలన్నది ప్రభుత్వ నిర్ణయం, దానికి కట్టుబడి ఉన్నాం. తుని ఎమ్మెల్యే దివ్య చేసిన విజ్ఞప్తిపై వివరాలు తెప్పించుకొని నిర్ణయం తీసుకుంటాం, రాబోయే రెండు సంవత్సరాల్లో ఈ లక్ష్యాన్ని సాధిస్తామని మంత్రి లోకేష్ తెలిపారు.