మాకూ ఓ చిప్ డిజైనింగ్ సెంటర్ కావాలి

విశాఖపట్నంలో ఏర్పాటు చేయాలనుకుంటున్న డేటా సెంటర్‌ క్యాంపస్‌లో చిప్‌ డిజైనింగ్‌ కేంద్రాన్ని ఏర్పాటు చేసే అంశాన్ని పరిశీలించాలని విద్య, ఐటీ, ఎలక్ట్రానిక్స్ శాఖల మంత్రి నారా లోకేశ్‌ (Nara Lokesh) గూగుల్ క్లౌడ్ డైరెక్టర్ డ్రూ బ్రెన్స్‌ను కోరారు. సింగపూర్ పర్యటనలో ఉన్న లోకేశ్ బృందం గూగుల్ క్లౌడ్ డైరెక్టర్ డ్రూ బ్రెన్స్ కు ఈమేరకు విజ్ఞప్తి చేసింది. గూగుల్ క్లౌడ్ ఇప్పటికే ఏపీతో పలు ఒప్పందాలు చేసుకుంది. వాటితో పాటు ఈ కొత్త ప్రతిపాదనను కూడా పరిశీలించాలని కోరింది.

గూగుల్ క్లౌడ్ డైరెక్టర్ విశాఖలో డేటా సిటీకి అవసరమైన మౌలిక సదుపాయాలన్నీ పూర్తి చేసినందున సాధ్యమైనంత త్వరగా గూగుల్ డేటా సెంటర్ పనులు ప్రారంభించేందుకు చర్యలు చేపట్టాలని మంత్రి లోకేశ్ కోరారు. చైనా/తైవాన్‌కు దూరంగా ఏపీలో తయారీని ప్రారంభించడానికి గూగుల్.. ఏపీ ద్వారా సర్వర్ సప్లయ్ చైన్‌ను కనెక్ట్ చేసే అంశాన్ని పరిశీలించాలని విజ్ఞప్తి చేశారు.

ఎయిర్ కనెక్టివిటీ, పోర్టు కనెక్టివిటీ ఉన్నందున గూగుల్ కార్యకలాపాలకు ఏపీ అనుకూలంగా ఉంటుందని వివరించారు.