విశాఖలో పేలిన నాటు తుపాకీ

విశాఖపట్నం నగరం వన్‌టౌన్‌ పోలీసు స్టేషన్‌ పరిధిలో సోమవారం ఈ ఘటన చోటు చేసుకుంది. చిలకపేట ప్రధాన గేటు సమీపంలో చేపల రాజేష్‌ అనే వ్యక్తి పై గుర్తు తెలియని వ్యక్తి నాటు తుపాకీతో కాల్పులు జరపడం స్థానికంగా కలకలం రేపింది. ఈ ఘటనలో గాయపడిన రాజేష్‌ను స్థానికులు హుటాహుటిన ఆసుపత్రికి తరలించారు. మరో వైపు పాత కక్షల నేపథ్యంలో ఈ కాల్పులు జరిగినట్లు పోలీసులు అనుమానాలు వ్యక్తం చేస్తున్నారు. దీనిపై రంగంలోకి దిగిన పోలీసులు సస్పెన్షన్‌లో ఉన్న ఓ కానిస్టేబుల్‌ ఈ కాల్పులకు పాల్పడినట్లు ప్రాథమికంగా గుర్తించారు. కాల్పులకు పాల్పడిన తర్వాత నిందితుడు అక్కడ నుంచి పరారుకావడంతో అతిడి కోసం గాలింపులు చేపట్టారు.